Fir se steem niche jaane laga
Bhaaiyo kya ho raha hai crypto market me kuch samajh nahi aa raha hai steem ek baar fir se niche dhulak raha hai. Waise ek chij maine dekha hai jab btc 2% niche jaata hai to steem 10% tak niche jaata hai aur jab btc 10% upar jaata hai to steem 2% upar jaata hai. Pata nahi steem ke saath aisa kyo ho gaya hai baaki ke coins to achha grow karte hai jab bitcoin upar jaata hai to lekin steem ke saath hi koi dikkat chal rahi hai.
Image source
Aaj to steem ne hadd hi kar di hai yaar aaj ye 8+ percent niche gir gaya hai jab ki bitcoin abhi 2% hi niche gaya hai. Steem ki ye haalat dekh kar bahut afsos hota hai. Lekin ab kya kar sakte hai flow ke saath hum bhi bah rahe hai. Dekhte hai aage kya hota hai pata nahi kab se dubara steem ka price main $8 ka dekh paaunga. Pata nahi iss jindagi me ab ye possible bhi hai ki nahi hai.
Khair ye sab chodiye aur bhaaiyo kal maine aap ko vodafone ke ek plan ke baare me bataya tha aur jio ke plan ke baare me bhi bataya tha lekin aaj main aap ko airtel ke ek new plan ke baare me bataunga. Crypto se nikal kar ye sab bhi karta hi rahta hoon yaar kya karu sirf crypto par bharosa to nahi kiya jaa sakta hai na.
289 rupya ka airtel ka naya plan.
Sab se pahle aap ko iss ki validity batata hoon iss plan ki validity kewal 48 din ki hai. Samajh lijiye 1.50 months ka ye plan hai aur iss plan me aap ko har roj 1GB data diya jaayega aur wahi jo sab me rahta hai unlimited baat kar sakte ho aap.
Haal hi me airtel ne apne kayi plan me badlaao bhi kiya tha. Jiss ke baare me main aap ko pahle hi bata chuka hoon. Abhi India me sab se jyada customer airtel ke pass hi hai. Ye purana sim hai aur iss ki advertisement bahut achhi hui hai isliye sab iss ko jyada pasand karte hai. Pahle main bhi airtel ka istemaal kiya karta tha lekin jab se jio aayi hai main jio ka hi istemaal karta hoon.
Airtel ke jyada customer hai 3g aur 4g sab jagah nahi chal paata lekin 2g iss ka har jagah chalta hai. Jungle jhaad kahi bhi chale jaayiye iss ka 2g achha chalta hai. Matlab call wagera me aap ko dikkat nahi hogi lekin internet ka istemaal karne par aap ko thoda pareshaani ho sakti hai yadi aap jungle area me rahte ho to.