ကမ္ဘာ့အညံ့ဆုံး အာဏာသိမ်း စစ်ဗိုလ်ချုပ်

"ကမ္ဘာ့အညံ့ဆုံး အာဏာသိမ်း စစ်ဗိုလ်ချုပ်"

ကမ္ဘာပေါ်မှာအညံဆုံးအာဏာသိမ်းစစ်ဗိုလ်ချုပ်ကိုပြပါဆိုရင်တော့ ဇင်ဘာဘွေနိုင်ငံရဲ့အာဏာသိမ်းစစ်ဗိုလ်ချုပ်ကြီးကိုပြရမှာပဲဗျ...
ကြည့်လေဗျာ...ဘယ်နှယ့် ပြည်သူတွေကိုယ်တိုင်ကိုယ်က အာဏာရှင် သမ္မတ ရောဘတ်မူဂါဘီ ကိုဖြုတ်ချချင်လို့ ထောက်ခံပြီး အာဏာသိမ်းခိုင်းနေတာလေဗျာ ...သိမ်းထားပါတော့လား နှစ် ၂၀ နှစ် ၃၀ လောက်...
ခုတော့ကြည့်ပါဦးဗျာ ဘယ်နှယ့် အာဏာတော့သိမ်းပါရဲ့ ငါးရက်ပဲကြာလိုက်တယ် ပြည်သူတွေထောက်ခံတဲ့ ဒုတိယသမ္မတကို သမ္မတအဖြစ်တင်မြှောက်ပြီး ပြည်သူလက်ထဲအာဏာကိုပြန်ထည့်ပေးလိုက်တယ်တဲ့ဗျာ....
ကိုယ့်မျက်စိတောင်ကိုယ်မယုံဘူးဗျာ...

အတော်ညံ့တဲ့ဗိုလ်ချုပ်ကြီးပါဗျာ...
ကိုယ့်လက်ထဲ အာဏာရောက်နေပြီဘဲ မသကာဆို တိုင်းပြည်ချောက်ထဲကျဖို့ လက်တစ်လုံးအလိုတို့ လက်တစ်ဝါးအလိုတို့ ကွန်မြူနစ်ရန်ကြောင့် ပြည်ထောင်စုကြီးပြိုကွဲမယ့်အရေးကိုတပ်မတော်ကိုကယ်တင်လိုက်ရတယ်တို့ လမ်းပြမြေပုံခုနစ်ရပ်ဆွဲမယ် ဘာညာ ဆိုပြီးအနည်းဆုံး နှစ် ၂၀ လောက်တော့ သိမ်းထားလိုက်ရောပေါ့ဗျာ...
ခုတော့ ငါးရက်ပဲအာဏာသိမ်းပြီး ပြည်သူထောက်ခံတဲ့အစိုးရလက်ထဲအာဏာပြန်လွဲသတဲ့...
အမယ် သမ္မတကိုတောင် အမြောက်တွေဘာတွေဖောက်ပြီးအလေးပြုလိုက်သေးသဗျ...
ဘယ်လောက်တုံးလိုက်သလဲ...

ဇင်ဘာဘွေအာဏာသိမ်းဗိုလ်ချုပ်ကြီးကိုကြည့်ပြီး အာရှတိုက်ရဲ့တစ်နေရာက အာဏာသိမ်း ခေါင်းဆောင်ဟောင်းကြီးတစ်ဦးကတော့ အမေရိကန်သမ္မတအိမ်တော်ပုံစံတူဆောက်ထားတဲ့ စံအိမ်တော်ကြီးထဲက ဆိုဖာကြီးပေါ်မှာထိုင်ပြီးစာဖတ်ရင်းနဲ့ ''တောက် ညံ့လိုက်တဲ့ကောင်ကွာ ငါဆိုခုထိ ပြင်မရတဲ့စာအုပ်ကြီးနဲ့အာဏာသိမ်းထားတုန်း'' လို့ရေရွတ်ရင်း တောက်တခေါက်ခေါက်နဲ့ ကြိတ်မနိုင် ခဲမရ ဖြစ်နေရှာသတဲ့ ဗျာတို့ရေ........
(ဇင်ဘာဘွေထိများအာဏာသွားသိမ်းဖို့ကြံနေသလားမသိပါဘူး.....)

NLH

ZN.H