Neighboring  Countries of Pakistan   پاکستان کے ہمسایہ ممالک

1  بھارت:

                          پاکستان کے مشرق میں بھارت ہے۔آبادی کے لحاظ سے بھارت دنیا کا دوسرا بڑا ملک ہے۔

                          بھارت کا دارالحکومت نیو دہلی ہے۔مغلوں نے اپنے زمانے میں یہاں بہت خوبصورت عمارتیں

                          مسجدیں اور باغات بنائے۔ان تاریخی عمارتوں کو لوگ دنیا بھر سے دیکھنے کے لئے آتے ہیں۔

                          خاص طور پر دہلی کا لال قلعہ،شاہی مسجد،قطب میناراور آگرہ کا تاج محل دیکھنے سے تعلق

                           رکھتے ہیں۔

2  اٖفغا نستان:

                             پاکستان کی شمال مغربی سرحد افغا نستان سے ملتی ہے۔افغانستان کا زیادہ تر علاقہ پہاڑی ہے

                             افغانستان کا دالحکومت کابل ہے۔افغانستان میں چونکہ کوئی سمندر نہیں ہے اس لئے اسکی زیادہ 

                             تر تجارت کراچی کے راستے ہوتی ہے۔پاکستان اور افغانستان کا زمینی راستہ مشہور تاریخی درے

                            خیبر سے ہو کر جاتا ہے۔افغانستان قدرتی وسائل کی دولت سے مالا مال ہے ۔یہاں کے مشہور میوہ جات 

                             پوری دنیا میں مشہور ہیں۔

3  ایران:

                          ایران پاکستان کا قریبی ہمسایہ ملک ہے۔پاکستان اور ایران کے درمیان تجارت سڑکوں،ریل گاڑیوں اور

                          ہوائی راستوں کے درمیان ہوتی ہے۔ایران کا دارالحکومت تہران ہے ۔تہران دنیا کے جدید اور خوبصورت 

                          شہروں میں شمار ہوتا ہے۔ایران کے قدیم تاریخی شہروں میں اصفہان،مشہد،قم،تبریز اور شیراز شامل ہیں

                          اصفہان کے بارے میں تو یہ کہا جاتا ہے کہ اصفہان نصف جہاں یعنی جس نے اصفہان دیکھا گویا اس نے 

                          نصف جہاں دیکھا۔ایران کی قومی زبان فارسی ہے۔شیخ سعدی شیرازی،حافظ شیرازی،اور مولانا روم فارسی 

                          زبان کے اہم شاعر ہیں۔ان کے کلام کا دنیا کی مختلف زبانوں میں ترجمہ ہوا ہے۔

4  چین:

                       پاکستان کے شمال میں عوامی جمہوریہ چین ہے۔چین آبادی کے لحاظ سے دنیا کا سب سے بڑا ملک ہے۔

                       چین کے ساتھ پاکستان کے قریبی دوستانہ تعلقات ہیں۔پاکستان اور چین کے درمیان تجارت ہوائی راستوں 

                       کے علاوہ شاہرہ قراقرم کے ذریعے بھی ہوتی ہے۔شاہرہ قراقرم کو شاہرہ ریشم بھی کہا جاتا ہے۔یہ طویل شاہرہ

                        دونوں ملکوں کے ماہرین نے پہاڑ کاٹ کے بنائی ہے۔بیجینگ چین کا دارالحکومت ہے۔چین کی تاریخ بہت پرانی

                       ہے۔یہاں ایک ظویل حفاظتی دیوار بنائی گئی تھی جس کو دیوار چین کہا جا تا ہے۔پوری دنیا سے لوگ یہاں تاریخی 

                      دیوار دیکھنے چین آتے ہیں۔

Thanks for visiting my blogs....