Poesie #14

tommasobusiello (61)in #ita • 6 years ago

Quante volte avete pensato alla serenità, alla tranquillità che solleva l’animo. Nella mia bella lingua la parola pace sintetizza tutto. Vulesse truvà pace è il grido, è il desiderio, è la speranza, la voglia di uscire dalla tempesta, con le vele rotte e lo scafo malandato, ma libero e leggero come un veliero appena varato nel cantiere. E allora bisogna affannarsi a soffiare più forte del vento, perché, in fondo lo sappiamo tutti, la vita non aspetta. Le due poesie che vi propongo, esprimono questi concetti nella mia bellissima lingua.

_{Image CC0 Creative Commons – Pixabay}

Vulesse truvá pace

A sera scenne cu aria doce
E io chiagnenne Vulesse truvá pace
Pè sbaglie e patimiente
Che, allere, abballano,
E se sbattono,
Pe dint'a cerevella.

Si, Marí, tu ossaje
Vulesse truvá pace
Sentenne n'ata voce,
Guardanne 'o stessu mare,
Che n'ce vedette annure
Annammurate a fá l' ammore.

Vulesse truvá pace
E vivere chest'aria doce
Ridenne e me scuntruso
A muso scuro e asciutto.
Rignenneme e culure,
Turnanne arete
Scuprenneme criaturo.

Vulesse truvá pace
Ma po' che de sta pace?
Si o tiempo passa e
Fujenne tutto arraffa
Cagnene e culure
Cagnene e criature
Uommene addiventano
Ma sempe arinte annure.

A vita nun aspetta

’E ccriature pareno sciure
Guardannole rirere e alluccare
Cu’ chelle voci senza paure
Penzano che è sule acqua, o mare.

Je, invece, so penzieruso
Niro n'faccia da matina a sera,
Risponno a tono assaje scuntruso
Diebbete, raggia e niente aspera.

‘Ncoppo ’a na carta, Truvata ‘nterra
Ce steva scritto chi te ’o ffa’ fa?
Nun ce sta prezzo e ne’ ricchezza
Vicino ‘a n’ombra ‘e felicità

Chissà chi l'ha scritta
E Cu che capa steve
Sulamente che all'intrasatta
Je m'aggia mise a rirere.

Felicità distratta e annascusa
'nmieze a sti penziere e uerra
Felicità rituorne ambressa
A vita nun aspetta.