Siap-siap laju untuk ta ikot acara Pengajian Tastafi Meurah Mulia..

Assalamu'alaikum Wr,Wb..

Saleum hangat keu rakan lon bandum yang teungoh sijuk gara-gara ujeun han pirang-pirang..

Insya Allah,bek na halangan sapu bak uro Hameh tanggai 25 Oktober 2018 ukeu,Pengurus Tastafi Kecamatan Meurah Mulia akan geu adakan saboh acara yang cukop jroh yaitu acara beut untuk mengkaji hukom-hukom agama yang geu adakan di Mesjid Istiqamah Keudee Jungka Gajah,,Dan selaku gure yang akan geu undang bak kali nyo yaitu ****Tgk H Muhammad Amin Daud atau leubeh dikenal dengan Ayah Min Cot Trueng**** yang merupakan salah sidro Ulama Aceh sekaligus Pimpinan Dayah Raudhatul Ma'arif Al-Aziziyah Cot Trueng,Kecamatan Muara Batu,Kabupaten Aceh Utara..

Kamo selaku anggota Tastafi Meurah Mulia turut mengajak Tgk-tgk bandum pat manteng droneuh tinggai, Munyo na keinginan untuk neu jak beut atau na rencana neu jak deungo hukom Agama,silahkan neu hadir bak Mesjid Istiqamah yang na di Jungka Gajah nibak uro Hameh(Kamis) Tanggai 25 Oktober 2018 yang ken Hameh lusa..😊.

Jak laju beu rame-rame nyan bek sampe kosong Mesjid,Bek di geutanyo asai ka na kegiatan yang jroh dan menyangkot ngen akhirat lagenyo han meu ta galak pih,tapi meunyo na kegiatan donya yang hana faedah sapu lage contoh na Konser,adak jioh pih ta karat,adak meusak pih ta sak,pokokjih bek tinggai....😊.

Neu jak nyan beu rame,Mesjid Jungka Gajah kiban cara beu meusak gara-gara punoh oleh jamaah beut Tastafi,bek sampe sebalikjih..
Sangkira bit Mesjid nyan han punoh,sang can wah ta gantoe julukan Aceh dari Serambi Mekkah keu pu laen,bek sampe male that awak yang na di lua Serambi Mekkah..

Lon lake meu'ah meunyo na salah bak lon tuleh,kadang hana lon seungaja..

Sekian.

Wassalamu'alaikum.