Technical sector me mila achha return

Hello Dosto, Mutual fund aaj kal tezi se badh raha hai. Maine socha tha kuch paise steem se nikaal kar mutual fund me lagaunga. Lekin ab steem ki haalat to aap dekh hi rahe hai aur ab mujhe na lagta hai ki steem kabhi bhi $8 ka ho paayega. Aur SMT bhi aane wala tha mujhe na lagta ki March ke end me ab SMT aayega. Ab to ye agle saal ke akhri me aa sakta hai uss se pahle nahi aane wala hai. 

Image Source Pixabay.com

Khair hum mutual fund ke baare me baat kar rahe they. Bank aur post office ke mukaable mutual fund me achha return milta hai. Aur iss me loss ki sambhaaona to hoti hai lekin bahut kam hoti hai. Iss me aap ko jayada profit mil sakta hai. 

Technology sector me mila hai jyada return

Kya aap ko maloom hai mutual fund ke technology sector me sab se jyada return mila hai. Iss me TATA ne 52% return diya hai. Haan sahi sun rahe ho aap 52% return mila hai batao ye bank ke 7x jyada hota hai. Itna aap ka 7 saal me hota bank me lekin mutual fund me itna 1 saal me hi ho gaya. 

Sab se kam me mila hai 31% 

Isi sector me jiss ne sab se kam return diya hai uska return 31% hai. Mutual fund me sab se jyada technical sector me hi return mila hai aur sab se kam me 31% hai. Dekh lo bhai log itna achha return aap ko kisi aur me milega kya. Iss baar to crypto me sab ka nuksaan hi hua hai. Lekin wahi paisa agar TATA me laga diya hota to mast profit hota. 

Isliye main kuch paise mutual fund me lagana chahta tha lekin ab to steem ka rate kam hai iss wajah se abhi wait karna hi sahi hai. Steem sab se kam 0.07 tak gaya hai ab lagta hai iss ko hum dubara touch kar lenge ye saal khatam hote hote. Chritsmas me sab apna paisa nikaalte hai aur iss wajah se rate aur kam ho sakta hai.