AKO SI OKA

https://www.facebook.com/photo.php?fbid=1714651855246529&set=t.100000371649090&type=3&theater
siyam ka bulan akong nagduyan sa sinugdanan
nagpahipi sa kangitngit inampingan sa sabakan
apan ang takna dili mabalibaran
nga ako ngadto sa kahayag idangdang
pilion ko na lang unta nga ako gitikon
aron ikahimamat ang kagiki sa kinabuhi
apan sa pagdagpi sa akong sangpot ako misinggit
ug naglanoglanog ang akong tiyabaw ug ngpahibalo
hangtud sa kapunaw-punawan nga ako nagpakatawo
apan ang kalibutan namungingi sa dili ko masabtan
daghan...hangttud dili na maihap sa napulo ko ka mga tudlo
kung nasayran ko pa lang unta ang tanan
gibaid ko na unta daan ang nahabol kong hinanggiban
sa mga nahitabo sa kapalaran
pilion ko nalang itak-um ang akong mga ngabil
imbis mobahakhak nga walay unod
sa matang gutling nga sanapan sa kahapdos
ang kasingkasing kong giulod
silsilon man ang kinatibuk-an sa akong pagka AKO
dili nako matugkad ang dagat sa kadaugan
hinuoa, taliwala niining tanan kaparutan
latid man kini sa kapalaran o kaparatan
ang paglaum wala malup-og
Nungka nga ako moyukbo!
tungod kay sa tanan NIYANG binuhat
AKO...SI TAWO, ANG PINAKA BANGGIITANG NILALANG!