Kontes Hiem Aceh KSI Bereh Part#2” Jeunaweub meuato

Assalamualaikum lon peuphon Haba, sigohlom calitra meusikrek dua, meuhajat Ulon neuk jaweub haba soalan paduka yang mulia. Jeunaweub Ulon mungken na meugisa neutulong arah nak seumpurna.

1. Nibak Nyang phon Ulon neuk jaweub soalan guree menan teuntei lon neuk calitra, saboh binatang didalam gunong Ruman meukeunong ceudah that rupa. Su Meu plie-plie bak beungoh uroe karu lam nanggroe man sigom Donya. Lagee umpama Inong Tan lakoe malam an uroe Han reuda-reuda Nibak Ulon sang meuteutei ** Burujuek Balee ** geurasi nama.
   

2. Nyang kedua Hai bungong keumbei lon neuk peutentei soalan guree, meunyo bak sibak on sion meureutoh thon sabe geuguna, bak ureung dapu cit ka meuceuhu han mungken ragu nyan geupeuguna, nibak alat nyan ngon teumok kuah, asoe meulempah roh sigra, ** aweuk ** geuguna le mak meutuah ngon temok kuah boh keu papa.
   

3. Nyang keulhee lon neuk cuba peuglah soalan metuah nyang meusahaja, dua nyang tho nyan cit kapah ** niet ** lam dada ** tertib ** beuna. peut nyang basah jinoe lon calitra ** Phon muka ** nyang wajeb tarah nak glah lam agama, ** nyang kedua rhah jaroe beutroh an singkee ** meunan teuntei kheun ulama, ** Sampoh ie bak Ulee ** nyan nyang keu lhee, nyang keupeut ** basoh gaki sampoe mata gaki ** meuhat meuri wate akhirat teuma, nyang lebeh jroh lom beuneupeu lhee-lhee sunat meuteumei hadah binasa.
   

4. Nyang keupeut lon neuk cuba peuglah aduen droe meutuah, saboh nanggroe le that kuta, kuta nyang phon geupeunan kuta taloe karena dijih nyoe le that guna, geupeugot guni ngon geboh pade mangat ase puwoe unanggroe, nan jih ** tapeh ** nibak aduen droe cit ka meuri bak ureung dumna, kuta beusoe nyang kedua peulindong asoe wahe syedara nan jih ** bruek ** nyang kreuh lage busoe menyo kenong bak dhoe darah meucya-cya, kuta puteh lage pirak nyan hai cut kak ** asoe u ** nama, didalam nyan na ie puteh nyang peupuleh grah dan jeut keupeunawa, wate meusaho bandum kuta wahe syedara ** boh U ** meuhat jeut keunama.
   

5. Nyang keulimong wahe teungku nyang meutuah, lon neuk cuba peuglah soalan guree, Bak iku rincong, bak idong sutra, bak ulee leumbeng bak geunireng aneuk mata nyan meuteuntei nan jih ** Seurabee ** wahe gurei nyang mulia.
   

Meumada ohnoe haba lon pegah menyo na salah peumeuah sigra, bak wate laen tasambong cakra kadang jeut teuma keusyedara.