Lam Bahasa Rika Saleum Meuturi

Assamu'alaikum ampon jeunulang
Keu mandum rakan muda ngon mudi
Adoe ngon aduen kumuen ngon bisan
Saleum sapaan rata ulon bi

Pengambilan Gambar Di Desa Lam Baet. Aceh Besar. Apache 13

Ban peut penjuru saleum kenalan
Inong ngon agam saleum meuturi
Barat ngon timu baroh seulatan
Saleum keu rakan bak Steemian tinta menari

Saleum ku tuju rata kawasan
Deungon harapan silaturrahmi
Mandum ku saweu wahe e rakan
Wareh ngon taulan saleum ulon bi

Rot kaca layeu ku kirem pesan
Maklum hai rakan jioh posisi
Meuyoe na umu geubi le tuhan
Ta usahakan bagah meuturi

Langsong deuh ta ee ngon keunyataan
Tan keu raguan ruman ta turi
Ohno lon saweu saleum keu rakan
Mudah mudahan balasan neubi

Meuah hai teungku tan pah tulesan
Maklum keuh rakan baro meu rawi

@ahadipj
@munazirpuan