Airtel waale har mumkin koshish kar rahe hai Jio ko overtake karne ki lekin afsos.

Image Source Pixels

Bhaiyo Reliance Jio ke aane se pahle Airtel india ki number one telecom company thi. lekin jaise hi Jio ne telecom industry me kadam rakha dusre telecom company waalo ki duniya hi badal gayi aur humari bhi. main to ab jio ko hi sab se best maanta hoon aur main hi nahi bharat desh ke 25% log jio ka hi use karte hai. 

Airtel waale bhale hi bahut ads nikaalte hai ki unka 4G fast hai aur wo kahte bhi hai sab kuch try karo fir chuno dosto maine bhi sab kuch try kiya uske baad hi jio ko chuna hai. jio bahut hi behtar hai airtel ke mukaable aur iske plan bhi saste hai aur network bhi har jagah pakad leta hai. "Mere gaon(village) me dusre telecom company ke 3G tak nahi chalte lekin Jio ka 4G mast chalta hai" isliye main Jio hi prefer karta hoon. 

Jio ne hi sab se pahle 4G ki shuruwat ki thi aur sab ko free me net aur calling ki suvidha bhi di thi. aapko to yaad hi hoga ye dekh kar airtel waalo ne aur dusre telecom company waalo ne bhi bahut sikayat ki thi. bhaiyo itna hi nahi Aircel telecom company band bhi ho gayi hai Jio ki aane ki wajah se usko 15,000 crore ka nuksaan hua hai. iss se pahle tata docomo bhi band ho chuki hai wo bhi Jio ke aane ke baad hi band hui hai. 

Image Source nextshark.com

Dosto iss samay airtel kaafi pichad gaya hai aur apne garahak ko lubhaane ke liye har tarah ka paryaas kar raha hai. airtel ne apne grahko ko lubhaane ke liye ek naya plan ki peshkash ki hai. Airtel waale apne kuch gine chune grahko ko 49 rs wala plan me 3GB data de rahi hai. dosto ye offer sabhi ke liye nahi hai bas kuch hi logo ke liye ye offer di gayi hai. 

Agar iss offer ki hum baat kare to Airtel waale iss me 1GB data offer karte hai aur iski validity 1 hi din hoti hai aur iss me calling ki koi suvidha nahi hai isliye mujhe lagta hai airtel ka ye offer bhi grahko ko lubhaane me pass nahi ho paayega. 

Aap bhi agar Airtel ka sim use karte hai to "My Airtel App" me dekh sakte hai ki aapko 49 Rs me 3GB data milega ki nahi aur ek baad bhaaiyo ye na sirf prepaid users ke liye hi hai isliye agar aap postpaid ke users hai to aapko iss me koi faayda nahi milne wala hai isliye paryaash na kare warna aap nakamyaab honge.

Image Source backbenchers.in

Dosto iss se achha to mujhe Jio ka plan lagta hai usme 52 Rs ka ek plan hai jiss me 1GB data milta hai aur validity 7 dino ki hoti hai aur iss me ek ye bhi faayda hai ki 7 dino ke liye aapko call ki suvidha bhi di jaayegi. 

Bhaaiyo ab aap dono ko compare kar ke dekh sakte ho samajh me aajayega ki kon best hai. 

Iss vishay me mujhe lagta hai Airtel waalo ko thoda aur mehnat karna padega agar unhe apne customer ko lubhaana hai to unhe iss se bhi achhe plan pesh karne padenge. Filhaal to Jio har tarah se jeet rahi hai aur iss ka promotion strategy bhi gazab ka hai saare IPL ke teamo me sirf Jio ke hi parchaar chal rahe hai.