مسلح افواج اور قانون نافذ کرنے والے اداروں کو پوری قوم کی حمایت حاصل ہے، آرمی چیف

UrduPoint
زیر بحثعید الفطررمضان المبارکعمران خانپاکستان تحریک انصاف
Pakistan پاکستان بمقابلہ New Zealand نیوزی لینڈ - جمعرات 18 اپریل

Pakistan پاکستان بمقابلہ New Zealand نیوزی لینڈ - ہفتہ 20 اپریل

مسلح افواج اور قانون نافذ کرنے والے اداروں کو پوری قوم کی حمایت حاصل ہے، آرمی چیف
بے بنیاد الزامات کا مقصد عوام اور مسلح افواج کے درمیان دراڑ ڈالنے کی کوشش ہے، ایسی کوششوں کو کامیاب نہیں ہونے دیں گے، قانون اور آئین کے مطابق سخت کارروائی کو یقینی بنایا جائے گا۔ کورکمانڈرز کانفرنس کے شرکاء کا عزم
Sajid Ali ساجد علی منگل 16 اپریل 2024 17:50

مسلح افواج اور قانون نافذ کرنے والے اداروں کو پوری قوم کی حمایت حاصل ..
راولپنڈی ( اُردو پوائنٹ اخبارتازہ ترین۔ 16 اپریل 2024ء ) آرمی چیف جنرل سید عاصم منیر نے کہا ہے کہ مسلح افواج اور قانون نافذ کرنے والے اداروں کو پوری قوم کی حمایت حاصل ہے۔ پاکستان آرمی کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر کی زیر صدارت 264ویں کور کمانڈر ز کانفرنس ہوئی، کانفرنس کے شرکاء نے مسلح افواج کے افسران، جوانوں، قانون نافذ کرنے والے اداروں اور شہریوں سمیت شہداء کی عظیم قربانیوں کو زبردست خراجِ تحسین پیش کیا، جنہوں نے ملک میں امن و استحکام کے لئے اپنی جانوں کا نذرانہ پیش کیا، آرمی چیف نے انسدادِ دہشتگردی کے خلاف جاری آپریشنز کے دوران متعدد دہشتگردانہ حملوں کو کامیابی سے ناکام بنانے اور اہم دہشتگرد سرغنہ کو جہنم واصل کرنے میں پاک فوج اور قانون نافذ کرنے والے اداروں کی انتھک کوششوں کو سراہا۔
(جاری ہے)

آرمی چیف نے کمانڈرز کو ہدایت کی کہ دہشت گردوں کو کسی بھی جگہ سے فعال نہ ہونے دیں، پاکستان کی مسلح افواج اور قانون نافذ کرنے والے اداروں کو پوری قوم کی حمایت حاصل ہے، مسلح افواج پاکستان سے دہشت گردی کے اس خطرے کو مستقل طور پر ختم کرنے کے لیے پرعزم ہیں۔ بتایا گیا ہے کہ فورم نے بشام میں چینی شہریوں پر بزدلانہ دہشتگردانہ حملے اور بلوچستان میں معصوم شہریوں کے بہیمانہ قتل کی مذمت کی، فورم کو بریفنگ دی گئی کہ کس طرح افغانستان سے سرگرم دہشتگرد گروہ علاقائی اور عالمی سلامتی کے لیے خطرہ ہیں، یہ دہشت گرد گروہ پاکستان اور اس کے اقتصادی مفادات بالخصوص چین پاکستان اقتصادی راہداری (CPEC) کے خلاف پراکسی کے طور پر کام کر رہے ہیں۔
معلوم ہوا ہے کہ فورم نے غیر قانونی طور پرمقبوضہ جموں و کشمیرمیں جاری بھارتی جارحیت پر شدید تشویش کا اظہار کیا، فورم نے اس بات کا اعادہ کیا کہ ’پاکستان اپنے کشمیری بہن بھائیوں کی سیاسی، سفارتی اور اخلاقی حمایت جاری رکھے گا‘، فورم نے فلسطینی عوام کے ساتھ یکجہتی کا اظہار کرتے ہوئے غزہ میں انسانی حقوق کی سنگین خلاف ورزیوں، جنگی جرائم اور نسل کشی کی مذمت کی، فورم نے مشرقِ وسطیٰ میں بڑھتی کشیدگی پر بھی تشویش کا اظہارکرتے ہوئے کہا کہ ’اگر فریقین نے فوری طور پر کشیدگی کو کم نہ کیا تو ایک وسیع علاقائی تنازعہ جنم لے سکتا ہے‘۔
آئی ایس پی آر نے بتایا ہے کہ فورم نے مسلح افواج کی حوصلہ شکنی کے لیے بدنیتی پر مبنی پروپیگنڈا مہم پر تشویش کا اظہار کیا، شرکاء نے اس بات پر زور دیا کہ قانون نافذ کرنے والے اداروں اور سیکیورٹی فورسز پر بے بنیاد الزامات ایک وطیرہ بن چکا ہے، ان بے بنیاد الزامات کا مقصد عوام اور پاکستان کی مسلح افواج کے درمیان دراڑ ڈالنے کی کوشش ہے، ہم ایسی کوششوں کو کامیاب نہیں ہونے دیں گے اور اِس کے خلاف قانون اور آئین کے مطابق سخت کارروائی کو یقینی بنایا جائے گا۔
بتایا جارہا ہے کہ کورکمانڈرز کانفرنس کے شرکاء نے ملک میں پائیدار سماجی و اقتصادی ترقی کے حصول کے لیے حکومت کو مکمل تعاون فراہم کرنے کا عزم کیا، پائیدار سماجی و اقتصادی ترقی کے حصول میں غیر قانونی اسپیکٹرم، بالخصوص سمگلنگ، ذخیرہ اندوزی، بجلی چوری اور تمام غیر قانونی تارکین کی محفوظ وطن واپسی کے خلاف بھرپور تعاون فراہم کرنے کا عزم کیا، آرمی چیف نے فیلڈ کمانڈرز کو ہدایت کی کہ آپریشنل تیاری اور مورال کے اعلیٰ ترین معیار کو یقینی بنائیں اور تربیت کے اعلیٰ معیار کے ذریعے پیشہ ورانہ مہارت حاصل کریں۔
اس وقت سب سے زیادہ پڑھی جانے والی خبریں :
این اے130: نواز شریف کی کامیابی کو لاہور ..
این اے130: نواز شریف کی کامیابی کو لاہور ہائی کورٹ میں قائم الیکشن ٹریبونل میں چیلنج کردیا گیا

بشریٰ انصاری نے دوسری شادی کی تصدیق ..
بشریٰ انصاری نے دوسری شادی کی تصدیق کردی‘ مداحوں کو شوہر سے ملوا دیا

فیض آباد دھرنا کمیشن رپورٹ تیار، فیض ..
فیض آباد دھرنا کمیشن رپورٹ تیار، فیض حمید کو کلین چٹ مل گئی، حکومت ذمہ دار قرار

برائلر گوشت کی مہنگی سپلائی ،پنجاب ..
برائلر گوشت کی مہنگی سپلائی ،پنجاب پولٹری ٹریڈرز ایسوسی ایشن نے مکمل شٹر ڈاوٴن ہڑتال کی کال