When My Time Go Come?

Baba God,no be say na disturb I disturb you ,
Na question I want ask You
Cos e don tey wen I de wait
So tey e be like say my faith want fade.
Abeg, when my time go come?

I don go wedding tire,
But I never marry
I attend occasion tire
But I never make merryment
Baba have mercy
If my question don de lack weight

Patient dog,dem say de eat fattest bone
But I never eat mine since I born
Baba ansa on time,
And tell me when my time go come?

E don tey when I waka from getto to kpako,
De tummble hustle for jungle
While my paddy dem de jolly for Yankey
Baba God na beg I de beg,
When my time go come?

My employment na always come tomorrow
Sotey my faith sef don de narrow...
Dem say tomorrow go beta
But e be like say for dis mata,
Wata don de pass garri.

Baba wen my time go come?
Time to fly higher;
Blow like Timaya,
Break record like Obama
And win like Rima?

Baba when my time go come?
When my cash out go blow me
Top the table every season
I no be one season lady.

I don tire to hear grace when you ask people how you take make am for life
Baba God show me the way forward
It is what it is @steem-ghana.

What God can't do does not exist, na people slogan
When my time go come that every post I go dey make dem dey upvote?
Posting na moi-moi but na the upvote.