Kor, kar və lal. Geri düşüncəli insanlar

Keçmiş, geri düşüncəli insanlar günümüzdə çoxdur. Durmadan indiki dövrü keçmişlə, uşaqlarını isə öz uşaqlıqları ilə müqayisə edirlər. Sanki indi də hər şey keçmişdəki kimi olmalı imiş kimi davranırlar və belə düşünürlər.

image

Unudurlar ki, bütün insanlar elə düşünsə idi, heç inkişaf olmasa idi, hamı keçmişlə yaşasa idi indi biz hələ də daş dövrünü yaşayırdıq. Zaman gedir, hər şey dəyişir, heç nə olduğu kimi qalmır. Tez-tez "Bizim dövrümüzdə belə deyildi." deyirlər. Amma indi sizin dövrünüz deyil, bizim dövrümüzdür və bizim dövrümüz belədir. Siz keçmiş dövrün uşaqları idiniz, bizim müasir dövrün uşaqlarıyıq və siz elə yaşamısınız deyə, biz də sizin dövrünüzdəki kimi yaşamağa məcbur deyilik. Hz. Əlinin də belə bir kəlamı var: "Uşaqlarınızı öz zamanınıza görə deyil, onların yaşayacaqları zamana görə yetişdirin." Amma bir çox valideynlər bunu başa düşmürlər. Hər şeyin onların zamanındakı kimi olmalı olduqlarını düşünürlər. Uşaqları da onların zamanını yaşasın, nəvələri də, nıticələri də və insanlıq bir addım belə qabağa gedə bilməsin, onların dövründə donub qalsın.

image

Zaman keçib, bir çox şey dəyişib, yeni ixtiralar çıxıb, amma insanların əksəriyyətinin düşüncəsi hələ də dəyişməyib, keçmişdə qalıb. Bu insanlar dövrə uyğun yaşayan insanları da tənqid hədəfinə çevirməkdən də qəti şəkildə qaçınmır. Hər kəsin onlar kimi düşünməsini istəyir.

İnsanları qınaq obyektinə çevirirlər. Çalışın dövrünüzə ayaq uydurun. Keçmiş düşüncəli insanlardan olmayın. Ətrafınızdakı bu düşüncəli insanların isə sizi qınamasına əhəmiyyət verməyin.
Əksinə siz onları qınadıqları üçün qınayın.
İzlədiyiniz üçün öncədən təşəkkür @revan746