CONTEST: THE IMPORTANCE OF STEEMIT IN MY DAILY LIFE

Una sa tanan mangayo ko ninyo ug pangatahuran, maayong buntag sa tanang steemian niining Around The World community. Ako lng kining gisuwat sa Cebuano dialect aron matarong ug mapaabot nako ang akong paghatag ug importansya sa Steemit ug dako kaayo namong pasalamat sa akong bana nga nakatagbo ang among pamilya ug usa ka platform susama sa Steemit. Magpasalamat sad ko sa nag mugna aning contest nga si @art-bangladesh kay pinaagi niining contest ma share nako sa uban ang importansya sa Steemit sa akong kinabuhi.

Ako diay Si @chibas.arkanghil. last 2018 ko ni apil aning Steemit. Akong bana nga si @natz04 ang nag agni nako sa pag apil niining Steemit platform. Para nako dako jud ug gikatabang ang Steemit sa among kinabuhi karon. Ako kining gitagaan ug bili susama sa usa ka butang nga gihatag sa ako ginikanan sa una. Ako isip usa ka plain housewife, naandan na nako nga mag post sa steemit kada adlaw. Matag human nako sa ako mga buluhaton sa balay mo abli dayon ko sa steemit aron pag check sa mga bag ong post sa steemit. Pero usahay naa gyuy higayon nga dili ko maka abli tungod kay walay load. Murag ang ako na lang pag pang laba sa mga sinina namo ang wala nako na blog. Na blog na nako ang bahin sa akong pag andam sa pagkaon, pag pakig bonding sa pamilya, pag apil sa mga photo contest kay matag higayon nga makakita ko ug mga maanindot nga talan awon para sa akong mata ako kining kuhaan ug hulagway.

Akong gihatagan ug dakong importansiya ang steemit sa akong kinabuhi kay dako kaayo kining nakatabang kanako financially ug dili lang kay sa financial kundi nakatabang usab kini sa pag improve sa mga talento nga dugay na nakong gitago. Mao nang mag gu-ol jud ko kung wala koy load kay dili man ko ka post ug ka open sa steemit. Mahinumdom lang ko atong akong entry sa street photography. Sa akong kagustuhan nga maka hatag kos akong entry bahalag nag uwan nag picture gyud ko unya nag pasinguwan. Ingon ana ka importante nako nga kinahanglan maka post ko sa steemit bisan lang ug naay usa nga post anang adlawa.

Sukad pagsugod sa pandemic grabe jud kalisod ang among nasugatan sa akong bana. Tungod kay ang ilahang kompanya nag minus ug adlaw nga ting trabaho. Nahimo na lang tag 3 ka adlaw sa usa ka semana ang iyaha trabaho. Lisod kaayo para sa usa ka pamilya nga adunay 4 ka mga anak. Pun an pa sa mga project sa mga bata sa eskwelahan. Tungod kay kaming duha sa ako bana ang miyembro sa steemit, namahimong sulbad ang steemit sa among problema. Mao nang para namong mag ti-ayon mahinungdanon kaayo ang Steemit ug dako jud kaayo siyag gikatabang sa among kinabuhi.