Club75+Burnsteem25|| Diary Game Season 3|| March 8, 2023|| "Lugait Beach Travel"

Ito ang tinatawag na Sand Dunes, isang uri ng buhangin na naporma dahil sa mga alon dito. May mga kurbang guhit dahil sa mga alon na humahampas dito sa dalampasigan. Nakakamangha at magandang tingnan dahil sa desinyo at porma nito. Kadalasan, may mga tulya at iba pang uri ng seashells na makikita sa ilalim ng buhangin na ito kaya kapag may buhangin ay agad itong nilapitan ng mga mangingisda at binubungkal ang mga buhangin.

Napakahalaga at napakaimportante itong uri ng halaman na ito na tumubo sa isang malaking bato. Kadalasan, dito nagtatago ang mga maliliit na mga isda, hipon at iba pa para hindi makita ng mga hayop na kumakain ng maliliit na lamang-dagat. Kapag high tide, ay naabot ito ng tubig-dagat at nabubuhay ito kahit hindi agad naabut ng tubig. Ang mga dahon nito ay napakanipis at ang hugis ay kurba lalo na sa mga dahon nito.

Ito ay isa ring uri ng seaweeds. Tumutubo rin ito sa mga malalaking bato at nagtataglay ito ng magagandang dahon na siyang tinataguan din ng mga maliliit na mga hayop. Kulay brown ang mga dahon nito at ang iba ay palutang-lutang sa tubig. Ang mga halamang ito ay nagbibigay ng kagandahan sa lugar at bumabalanse sa tinatawag na Eco-System. Nagbibigay din ito ng oksiheno para sa mga hayop na nakatira sa dagat.

Sa aking paglalakbay ay napansin ko na tumataas na ang tubig dahil high tide na pala kaya binilisan ko ang paglilibot sa naturang lugar. Lubos akong namangha sa aking nakita lalo na ang mga malalaking bato na ito na hinahambalos ng mga malalaki at malalakas na mga alon mula sa dagat.

Napansin ko rin itong mga talaba na nakapikit sa mga malalaking bato. Nakakasugat sa paa ang ganitong uri ng hayop at hindi rin ito nakakain. Nagtataglay ito ng kulay itim na shell at may matutulis na bahagi ng katawan nila na siyang makakasugat sa paa. Marami na ang mga ito dito sa mga malalaking bato at iniiwasan ito ng mga bata.

Isa itong uri ng starfish na kong tawagin ay Brittle fish. Ang katawan ay hugis bilog at may mahahabang galamay. Nakakatakot tingnan ang hugis nito pero hindi naman ito nangangagat at lumalabas lang ito tuwing high tide para manghuli ng makakain. Ang kulay nito ay brown lang hindi katulad ng ibang starfish na may ibat-ibang kulay.

Ang dalampasigang ito ay may makikita rin uri ng isang isda na kong tawagin ay Butete. Puffer fish ang tawag nito sa English at hindi ligtas kainin dahil nagtataglay ito ng lason. Lumulubo ito at maghugis bilog kapag naipit o di kaya ay may nakita na kalaban nila. May kulay itong itim at dilaw na may kasamang puti malapit sa tyan nito. Nakakaaliw tingnan kapag humugis bilog na ito.

Ating nasaksihan ang mga nakakamanghang tanawin dito sa Barangay Calangahan sa ng Lugait, Misamis Oriental. Ang pagkakaroon ng masaga at magandang lugar ay nakapagbigay tulong sa mga hayop para may matirhan sila at magkakaroon tayo ng masagana at masarap na pamumuhay.

Nais kong imbitahan sina ate @jurich60, @jessmcwhite at ate @amayphin para sa isang talaraawan dito sa steemit at ang 25% mula sa payout kong ito ay maibabahagi sa @null.