Burnsteem25|| October 8, 2022|| Diary Game Season 3|| "Farm Land Cleaning"

Kapag produktibo tayo sa lahat ng oras o bagay ay makakakuha talaga tayo ng magagandang resulta o bunga ng ating pagsisikap. Ito ang ibabahagi ko sa aking taalarawan ngayong araw na ito. Para mapakinabangan ang lugar ay nagpasya kaming maglinis sa isa sa aming lugar dito sa Probinsya. Medyo matagal na itong hindi nalilinis at naging masukal na ito dahil sa mga damo na tumubo dito.

Ito ang taniman lugar na pinagtatamnan ng mga saging. Dati, hindi malinis ang lugar na ito at napapalibutan ng mga nagtataasang mga damo. Medyo natagalan kasi ang paglilinis sa naturang lugar kaya ganon nalang ka dumi ang paligid. Ang lugar ay magandang pagtamnan ng saging. Puro matataba at hitik talaga sa bunga kaya nagpasya kaming puntahan ang lugar para linisin ito. Buti nalang at medyo hindi na mainit ang lugar kaya nagtuloy-tuloy kami sa paglilinis.

Kahapon napag-isipan naming linisin ang naturang lugar. Nakakaawa kasing tingnan ang mga pananim na napapalibutan ng maraming mga damo. At para hindi maputol ang puno ng saging ay dahan-dahan lang na inaalis ang mga damo. Halos nasa 20 na mga puno ng saging ang nakatanim dito at ang iba ay namumunga na. Kamakailan lang ay nakakuha kami ng isang buwig ng saging dito mismo sa lugar na nilikinis namin at hinintay namin itong mahinog. Medyo mahirap ang paglilinis dahil kinakailangan pang gumamit ng patpat at dapat hindi tatama sa mga bato ang ginamit na panglinis. Kinakailangan ding tingnan ang ilalim ng mga damo baka may ahas o di kaya ay mga delikadong insekto na nakatago dito.

Para hindi pamugaran ng mga insekto gaya ng mga lamok at mga delikadong hayop gaya ng ahas ay minabuting sunugin ito. Lubos naman ang aming pagbabantay para hindi kakalat ang apoy at pinapatay namin ito kapag lagpas na sa lugar. Katuwang naman sa paglilinis ng lugar ang aking tito at tita kaya napadali talaga ang paglilinis nito. Dahil napakainit ng panahon noong nagdaang araw kaya madali lang natuyo ang ibang mga patay na damo at madali lang itong nasunog. Nagpapaalis din ang usok sa mga lamok at mas maging kaaya-aya at malinis tingnan ang lugar.

Sa ngayon ay namumunga na rin ang iba pang mga punong saging namin at ang plano nito ay ibebenta ito sa pamilihan o sa mga taong bumibili ng bulto-bultong saging. Nakakatuwang tingnan na ang pinaghirapan natin ay nagdudulot at nagbibigay na ng magagandang bunga o resulta. Para hindi masira ang bunga ng saging ay inalisan namin ng mga patay na dahon o gasing kong tawagin namin. Madali lang itong masunog dahil sa pagkakatuyo nito. Dito kasi namumugad ang mga insektong nakakasira ng mga saging gaya ng Appids at marami pang iba.

Nais ko ring ibahagi ang mga biyaya na nakuha namin sa likod ng aming paghihirap at pagsisikap sa pagtatanim ng mga saging. Ngayon ay nakaani na kami at unti-unti nang nahinog ang mga ito. Plano namin na ipamigay sa aming kamag-anak ang iba pang hinog na saging. Maganda kasing magbibigayan o magbigay sa kapwa.

Ngayon ay bumalik na sa dati ang ganda at kalinisan ng lugar. Sisikapin namin na maging produktibo at kapaki-pakinabang ang lugar para sa susunod na henerasyon.

Bago ko tapusin ang talaarawan ko sa araw na ito ay nais kong imbitahan sina ate @amayphin, ate @jurich60 at @jessmcwhite at ang 25% ng payout mula sa pot na ito ay ibabahagi ko sa @null.