Burnsteem25|| Diary Game Season 3|| September 5, 2022|| "Food Recipés"

Tayong lahat ay mahilig kumain ng mga masasarap na pagkain matamis man o maalat. Ang ibabahagi ko sa inyo ngayong gabi ay ang pagluluto namin ng napakasarap na ulam at sa katunayan, isa rin ito sa mga exotic at napakamahal na pagkain dito sa aming lugar. Masaya kami dahil nabiyayaan kami ng magagandang lugar gaya ng ilog. Malinis at punong-puno ng ibat-ibang uri ng hayop na pwedeng kainin o ulamin.

Isa sa mga pagkaing galing sa aming ilog ay itong mga hipon. Masaya kami dahil nakahuli kami ng maraming hipon o "ulang" kung tawagin namin dito sa aming lugar. Malalaki ang nahuli namin, nagpapakita na malinis ang aming ilog. Kadalasang nakatago ito sa mga butas sa gilid ng pampang at hinuhuli ito sa pamamagitan ng net o manu-manung kinukuha sa butas na pinagtataguan nila.

Isa sa mga potaheng niluluto namin gamit ang hipon ay ang ginisa. Simula noong bata pa ako ay ito na ang niluluto namin kapag nakahuli si papa ng mga hipon at ito ang ibabahagi ko sa inyo ngayong gabi.

Bago magluto ay ipunin muna ang mga sangkap gaya ng mga sumusunod;
📝 Bawang
📝 Sibuyas
📝 Mantika
📝 Tuyo
📝 Asin
📝 Iba pang pampalasa

Una sa lahat, maghiwa ng bawang at sibuyas sa maliliit na piraso. Mahalaga ito para madaling maluto ang bawang at sibuyas. Hugasan ang mga hipon para maalis ang mga maruming bagay na kumapit dito at pagtapos, lagyan ng tuyo ang hipon at ibabad ito ng ilang minuto.

Pagkatapos ay magpainit ng mantika at gisahin ang bawang at sibuyas hanggang sa lumabas ang mabangong amoy at maging kulay golden brown na siya.

Ilagay ang hipon sa kumukolong mantika at haluin ito ng mabuti. Dahil nakamarinate na ito kaya pwede nang hindi lagyan ng tuyo at hahaluin nalang ito. Takpan ito at lutuin lang ng ilang minuto hanggang sa maging mapula na ito.

Ito ang ating napakasarap na recipé para sa gabing ito. Patok na patok ito sa karenderya and napakamahal nito dahil isa ito sa mga tinatawag na exotic food.

Para sa panghimagas naman, nais kong ibahagi sa inyo ang sikat at pwedeng pangnegosyo at ito ay ang latik. Tradisyon na talaga dito sa aming lugar na magluluto nito kapag may hinog na saging. Isa rin itong ibinibenta sa palengke o malapit sa paaralan. Kahit ako, paborito ko itong kainin. Hindi gaanong magastus ang pagluluto nito at kaunti lamang ang mga sangkap sa pagluluto ng latik, at ito ay ang sumusunod;
📝 Camay ( Brown Sugar )
📝 Gata ng niyog
📝 Saging

Una, dapat balatan ang saging. Pwede ring hiwain ito sa dalawa para madaling maluto.

Pigain ang sapal ng niyog para makuha ang gata. Ito ang isa sa nagpapasarap ng nilulutong latik na saging. Ilagay ito sa kawali kasama ang saging.

Lagyan ng brown sugar o camay kong tawagin namin dito sa amin. Ito ang nagbibigay ng napakatamis na lasa ng nilulutong latik na saging.

Haluin ito ng mabuti para mas maging balanse ang lasa at lutuin ito sa loob ng 45 minutes.

Isa na namang katakam-takam ang inihain ko para sa inyo. Maraming salamat po sa pagbasa at magandang gabi sa lahat.

Bago ko tatapusin ang talaarawan ko sa gabing ito ay naiskong ibahagi ang 25% mula sa payout ng post kong ito sa @null.