Burnsteem25|| Diary Game Season 3|| July 20, 2022||Steemit Garden Journal: "Eggplant Transferring"

Nagmahal na ang mga bilihin ngayong panahon lalo na ang mga gulay gaya ng Pechay, ampalaya, kalabas, pipino at talong kaya mas maganda talaga na madiskarts tayo sa buhay para minus gastos na tayo. Ibabahagi ko sa inyo ngayong umaga ang paglilipat ko ng mga pananim kong talong sa ginawa kong plot dito sa aking STEEMIT GARDEN at ito ang bahagi ng aking garden journal sa araw na ito.

Ang paglilipat ng mga maliliit pang mga halaman na talong ay medyo delikado dahil malambot ang mga puno nito at madaling mabali. Sa katunayan, pinupunla muna ito bago itanim sa gagawing plot. Ang kagandahan ng pagpupunla ay mapoprotektahan ang mga halaman laban sa mga hayop gaya ng kambing, manok at iba pa. Pwede mo kasing ilagay ito sa mataas na lugar na hindi maabot ng mga hayop.

Sa aking pagkakaalam tungkol dito, dapat ililipat ang mga pananim na talong kapag ang haba nito na isang pulgada. Nakakatulong kasi ito para hindi manghihina ang gulay, kapag kinukuha kasi na malaki na manghihina ang halaman at may tsansa na ito ay mamatay.

Dapat sa paglilipat nito mula sa punlaan ay kinakailangang dahan-dahan at hindi dapat matamaan ang mga ugat nito. Mas mabuti na isama ang lupa para hindi mabali ang mga puno ng talong. Ito ang mahalaga kapag itinanim mo lang ng mababaw dahil madali lang itong bungkalin kapag ililipat na sa ibang lugar.

Ang lalim na sukat ng pagtatanim ng mga buto ng Talong ay dapat isang pulgada lamang. Madali lang itong tumubo kapag nadidiligan ng tubig na may kasamang organic fertilizer. Dahil organic fertilizer ako, ang ginamit kong pataba ay ang fermented na bani ng saging. Ibinababad ko ito sa tubig ng 3 araw bago ko idinilig sa aking mga halaman.

Ganito ang tamang paglilipat ng mga gulay na talong. Kinakailangang samahan ng lupa para hindi mabali o mapunit ang mga puno nito. Sa paglilipat nito ay dapat malambot ang lupa para madali lang matanggal, kinakailangan ding basain muna ang lupa bago bungkalin para mas mapalambot at mapadali pa ang pag-alis o pagtatangal nito.

Sa pagtatanim ng talong ay dapat suriin muna kon ito ba ay tama sa sukat, malulusog ba o malalaki ang mga puno nito, bago ilipat sa plot na pagtatamnan.

Agad ilalagay sa plot ang mga nakuhang mga halaman na talong at sa pagtatanim nito, pwedeng isa o dalawang piraso ang itatanim sa lugar. Dapat ang lugar na pagtatamnan nito ay malinis at walang damo nakatubo. May tsana kasing agawin ng mga damo ang sustansya na dapat ay para sa mga halaman lamang.

Mas madaling tutubo ang talong kapag malambot ang lupa at palaging binubungkal kaya panatilihi na malambot at mabasa ang lupa na pagtatamnan nito.

Dahil wala akong water sprinkler kaya ang naisip ko ay gumamit nalang ng lata. Binutasan ko ito sa dulo at ito ang ginamit kong pandikig sa halaman. Hindi kasi pwedeng diligan ito gamit ang tabo dahil mawawala ang lupa sa pinagtatamnan nito kaya nararapat talaga na hindi malakas ang pwersa ng tubig sa pagdidilig.

Hinaluan ko ng organic fertilizer ang tubig na pinandilig ko sa mga halaman. Nakakatulong ito para malusog at madaling tumubo.

Tapos ko nang inilipat ang aking mga gulay na talong dito sa plot na ito. Ang tanging gagawin ka nalang ay mapanatili ang malinis na lugar at alisin ang mga damo na siyang nakakasira sa aking mga halaman dito sa aking munting hardin.

Bago ko tataposin ang Garden Journal ko sa araw na ito ay nais kong ibahagi ang 25% mula sa payout ng post kong ito sa @null.