Steemit Philippines Photography Contest Week #5 - Filipino Food Photography : PUTO MAYA UG SIKWATE
Alas tres gahapon sa hapon nakahunahuna mi nga mangaon ug meryienda sa Jagna. Adunay painitan didto duol sa baybayon ug kini ginganlan ug Painitan sa Baybay, nakahisgot na siguro ko bahin niini sa akong diary na blog post pila ka semana na ang milabay.
Tinuod nga ang mga Boholano mahilig gayud ug Sikwate, siguro kasagaran sa mga Pilipino mahilig gayud niini, kami sa among pamilya, maghilak ang semana kun dili mi makakaon ug puto maya paresan ug sikwate.
Ang puto maya mura kini ug sticky rice, sa tinuod lang, sticky rice jud ni siya, ang uban gitawag ni ug malagkit pero dire sa amoa puto maya ang tawag. Ambot nganung gitawag ni ug puto nga dili man siya porma ug puto pero sagdi lang kay mao man ang naandan.
Ang sikwate gikan ni sa pure tableya, usahay gitawag pod ni ug kinutil. Kinahanglan ni siya ug consistent nga pagtuyoktuyok sa batirol. Makahinumdom gayud ko sa akong lola nga namatay na kay hilig to ani.
Mga 20 minutos pod among gibihaye padung dire sa Jagna. Nindot ang panahon ug walay tao pag abot namo mao nga diretso mi gihatagan sa among mga orders. Tag duha ka servings akong giorder sa kada tao mao nga daghan kaau ang giserve sa mga serbidora. Nakasuot ni sila ug mask ug tungod kay sa gawas man sa ilang balay ang ilang mga lamesa ug lingkuranan, dili init, hapsay, ug dili alimuot. Puno sad ug mga tanom ug mga kahoy dinhing dapita mao nga ang among pagpangaon, maayo gayud.
Mao kini ang dagway sa ilang mga platito ug baso. Ginintoan ilang kutsara mao nga nindot tan awon. Ang lamesa nila gikan sab sa kahoy mao nga rustic gayud ang tema aning ilang kan ana. Sobra ka simple pero patok kaayo ni sa mga mangisnakay. Daghan kaayo ang modong gayud dire mao nga pasalamat mi sa among pamilya nga pag abot namo, kami ra, niabot ang ubang mga kustomers hapit na pod mi mahuman ug kaon.
Karon tudloan tamo unsa akong paraan sa pagkaon ani.
Una, adunay asukal na puti nga ilang iapil ug serve. Ang asukal, akoa ning i-taktak sa ibabaw sa puto maya. Isprinkle nako ug tungod kay hinam-is man ko, daghan daghan sad akong gibutang.
Unya, akong tam-isan pod ang sikwate kay ang ilang ihatag, wala pamay asukal mao akong asukalan. Kamo, hinam-ison ba sab mo?
Pag sakto na ang katam-is sama sa katam-is sa manag-uyab nga naglabing-labing sa daplin sa baybayon (char lang), ako ning butangan akong platito ug sikwate para naay gamay nga sabaw ang akong puto maya.
Mahilig gayud ug sabaw ang taga Bohol. Mao nga guilty ko ani, pati puto maya aduna dapat sabaw! Teehee!
![P1720693.JPG](https://steemitimages.com/640x0/https://cdn.steemitimages.com/DQmdBRw7CxTKSm7tgFAk2rmYcmLSbj2R9UNZcbCVzpxzcS3/P1720693.JPG)
gif credits: @baa.steemit
Ug lami kaayo ni ang puto maya kaonon sa buntag, pwede sab sa hapon, bisan sa gabie or kadlawon, payter kaayo ni kaonon. Makabusog ug makapamata sab tungod sa sikwate. Ug sa katapusan, pampagatas pod ning sikwate, ug isip usa ka inahan nga nagpatotoy pa sa akong anak, permi gayud ko morequest ug sikwate.
Inviting my friends to join the contest too @g10a @jjeeppeerrxx @gecellbeltran. Learn more about it here: Steemit Philippines Community Photography Contest Week 5 | Theme: Filipino Food Photography (10-04-2021)
xoxo,
junebride
#steemitphilippines #photography-contestph #steemph-filipinofood #filipinofood-photography #steemexclusive
Grabe na jud ni ba...pagka lami jud ni labi na pag ting ulan...Pa LBC po!!!! Hahahahah
hehe lamijd kaau! nasold out gani...
Puto sikwate!!!!
Judge: @juichi
salamat sir