Steemit Philippines Photography Contest Week #4 - Black and White Photography : Tatlong Decada

Mabilis akong naglalakad dito sa pinakalumang kalye ng bansa, dito sa Colon sa siyudad sa Sugbo. Bawat hakbang ko ay aking tiningnan, mata koy aking minulat at palingon lingon ako, dito sa lugar nato nabuo ang mga alaala ng ating pag iibigan. Ang mga poste at gusali ay naging saksi sa ating pagmamahalan. Sariwa pa sa aking isipan ang ating mga kwentuhan, mga halakhalakn, mga halik, ako'y napaisip, paano kaya kung tayo ay magkitang muli?

Tatlong decada na ang nakalipas mula ng huli tayong ngkita. Ako bay naalala mo, sinta ko? Minsan ba sa iyong pagtulog, naiisip mo ba ang ating nakaraan? Siguro ay meron kanang asawa at pamilya, may mga anak o siguro mga apo ka na. Habang ako ay nandito parin, umaasang sana ay minsan man lang mahagilap ko ang iyong mukha sa gitna ng napakaraming taong naglalakad dito sa kalyeng ito.

Mayroon akong mga nais na gagawin, may dapat bilhin, may dapat asikasuhin pero di ko maiwasang huminto at panandaliang dalhin ang aking imahinasyon sa panahong ang pag ibig natin ay buhay, masarap pero masakit na eto ay natapos sa isang di pagkakaunawaan lamang. Kapag naiisip ko eto ay ako'y naluluha na lang. Bakit naging ganun, irog ko? Bakit ako ay iniwan mo ng wala man lang paalam?

Naging alipin ako sa ating wagas na pagmamahalan, hindi ako kaylan man nagkaroon ng iba, ang aking puso ay sayu pa din, sinta.

"Lita, Loleta! Lita!"

Ako'y napamulat mula sa aking imahinasyon. Aking pinunasan ang luha na nasa gilid ng aking mga mata. Pag lingon ko, ako'y napanganga! Pamilyar ang mukha, ang mga mata, mga labi, matagal ko na ding hindi nakita ang pagmumukha mo. Tila ba huminto ang sandali, may edad ka na nga pero hindi ko makakalimutan kailan man ang iyong mga ngiti, aking Romeo.

"Kumusta ka na?"

Naramdaman ko ang pamumula ng aking mga pisngi. Batid ko ang panginginig ng aking mga daliri, habang aking hinawakan ang aking mukha, totoo ba eto?

Matapos ang maraming taon, nagkita ulit tayo. At kahit na meron akong mga dapat gawin, hindi ko palalampasin ang oras na eto, nais kong ipaalam sa iyo, aking sinta, na mahal pa din kita sa loob ng tatlong dekada.

---

Maraming salamat sa pagbasa nitong aking entry sa Steemit Philippines Photography Contest Week#4. Ang larawan ay nakunan ko nuong kami ng aking asawa ay nag Photowalk sa Colon Street, Cebu City. Gamit ko ay isang Sony A6000 at isang 55mm lens.

Iniimbitahan ko kayong sumali din @nikkabomb @gecellbeltran @g10a

---

xoxo,
junebride