Filipino Poetry | Paalam Pagibig [Orihinal na Tula @joshuelmari]
Pabiling-biling at hindi makatulog
Nakakaramdam pa rin ng sakit at kirot
Nagdurugo ang puso ng magpaalam sa isa't-isa
Nanatili ang alala na multong pumupukol sa gunita
Nais ng aking kaluluwa na ariin ka ng buo
Ang kislap ng mahika na lumalakas habang tumatagal
Sa pag-ibig na bawal na sinubok na ng panahon
Hanggang sa bingit ng kamatayan, pangakong magpakailanman
Nagpapaalala ng mga matatamis na sumpaan
Ang paraan ng pagkabig mo sa akin palapit sa iyo
Parang kuryenteng nararamdaman sa bawat himaymay
Gumising sa aking diwa mula sa mahimbing na pagtulog
Matinding pagnanasang parang latigo at pagyamak na tinitiis
Sa kumikinang na ilaw ng aking pag-iral, puso ko'y naghihintay
Sa likod ng mga kurtina na nanababalutan ng liwanag
Ngunit pumusyaw at tumigil ang nakasinding tanglawan
May mga panahon na ang sakit sa loob ay labis-labis
Lumuluhang kaluluwa at katawa'y tumanggi ng mabuhay
Nagdurugong puso at nangangatal na katawan
Pagsisimula ng buhay na tulad ng impeyerno
Lahat ng palingan ay makulay at puno ng pag-asa
Kapaligiran lahat ay mapanuksong alay
Matatamis na salita at pangungusap
Maghinay-hinay ng di matisod sa nakaabang na peligro
Kaakibat ang luha, pait at hinagpis
Ligaya, galak at tuwa ay katuwang din
Kasiyahan, kaligayahan at kalungkutan
Sa tamang lugar at damdamin ngunit maling nilalalang
Ngunit ang lahat ay dapat ng itigil at magpaalam
Isang nararapat na pasya na dapat nating gawin
Hayaang ang bukas ang maglahad ng ating kahapon
Paalam pagibig, huwag nang lumingon pa
About The Author
A feisty artist and a writer at the same time who intertwines and develops her time between blogging, writing poetry and fiction stories, crocheting, gardening, baking, and caring for her physically and mentally challenged son in order to explore the unexpected ideas that pique her interest.
Kakasad ang poem di sila nagkatuloyan.
Sadyang ganyan ang kapalaran ng tao. May masaya at malungkot na wakas. salamat sa pagdalaw kapatid.
nice poem😁😁
Thanks a lot for the appreciation and for dropping by.
kabog ang poetry mu sis
Ito ang lugar na naangkop sa akin. Ang isa sa paborito ko ay ang sumulat ng mga tulang mula sa aking karanasan o karanasan ng iba o kathang-isip lamang. Salamat sa pagdalaw.