Throwback picture at Lugait, Misamis Oriental

Activity: Street Dancing

Tradisyon na nating mga pinoy ang magkakaroon ng pista bawat lugar. At ang iilan sa atin ay palaging magdiriwang ng pista sa kanila sa pamamagitan ng pagluluto ng ibat-ibang pagkain para sa mga bisita o sa mga inaanyayahang mga kaibigan, kamag-anak at iba pa.

Besperas pa lang ay abalang-abala na ang lahat sa pagkuha at paglabas ng mga gamit sa kusina at pagluluto na matagal nang nailigpit sa silid ng kabinet. Nagsisimula nang maglista ng mga dapat bilhin para sa pagluluto at naglilinis ng bahay.

Pero ano ba ang kahulugan ng pista?
Ito ay pagpapasalamat natin sa Poong Maykapal sa mga biyayag natanggap natin mula sa kanya. At bilang pasasalamat, ay naghahanda tayo ng mga pagkain para ibahagi rin natin sa iba ang lubos na biyaya na ibinigay sa atin.

Isa rin ito sa tinatawag nating pakikipagkapwa-tao dahil makikita dito ang pagmamahal at pagrespeto ng bawat isa. Gaya ng pag-imbita sa ibang tao na pumunta sa pista at bibigyan pa ng ulam kong uuwi na sa kani-kanilang bahay.

Hindi mawawala sa pista ang tinatawag na street dancing at ang mga bata ay maaliw dito dahil sa mga makukulay na mga kostyum at mga uri ng katutubong sayaw. May mga karakter din na naisasali dito gaya ng anghel at mga reyna sa naturang sayaw.

Syempre hindi mawawala ang mga ibat-ibang programa, mga ibat-ibang paninda at paligsahan sa barangay, sitio o munisipalidad man ito. May mga kantahan o amateurs at mga sayawan na kon tawagin ay bayle o disco sa makabagong panahon.

At syempre ang pista ay nakatoon sa presensya ng Panginoon dahil selebrasyon ito bilang pasasalamat natin sa kanya. Kahit gaano pa ka rami ang programa, patimpalak at pagkain ang importante ay hindi natin nakakalimutan na magpasalamat sa Diyos sa mga biyaya na ibinigay niya sa atin.

*Bago tataposin ang post kong ito ay nais kong imbitahan sina ate @judyannegamis, nanay @olivia08, at kaibigang @milakz dito sa patimpalak.