Steemit Philippines Photography Contest| Week #1| August 5, 2021| Bandera Mountain View

Isang mapagpalang araw sa ating lahat, lalo na sa mga membro dito sa @steemitphilippines. Masaya ako na patuloy na dumarami ang mga membro ng steemitphilippines sana magpatuloy pa ito. Ito ang pangatlo kong post para sa linggong ito.

Ito ang bandera, isa sa mga mataas na bukid dito sa Manticao, Misamis Oriental. Maraming mga tao ang pumupunta dito para maglakad-lakad lalo na kong sasapit ang alas 5 ng umaga.

Maganda kasing magsagawa ng pag-ehersisyo dito sa naturang lugar dahil payapa, malamig at higit sa lahat mataas ang lugar kaya pagpapawisan ka talaga.

Ang bandera ay nagsisilbing hangganan sa pagitan ng dalawang barangay dito sa Manticao. Ang barangay poblacion at ang barangay paniangan.
Sa Pagbisita ko dito ay magdadapit hapon na, ang pakay kasi namin dito ay ang paglubog ng araw. Maganda din kasing pagmasdan ang paglubog ng araw dito sa lugar.

Kasaysayan ng Lugar:

Ayon sa mga matatandang nakatira dito, tinatawag daw itong Bandera dahil palagi itong natatamaan ng sikat ng araw kapag ang araw ay sumikat hanggang sa paglubog nito. Noong unang panahon din daw ay may nakatirik na flag ng mga Amerikano dito. Makikita kasi ang dagat at ang lahat ng nasa ibaba, kasama na ang paaralan ng Manticao. May mga sumubok din dito na mag ekspedisyon nagbabasakaling makahanap ng kayaman na nakatago daw dito pero bigo silang lahat. May apat na bahagi ang bundok dito at ang bundok Bandera lamang ang medyo mataas kompara sa Tatlong bundok.

Behetasyon:

Ang Bundok na ito ay sagana sa mga damo at iba pang mga halaman. Kaya ang mga tao na nakatira dito ay pinapastol nila ang kanilang mga alagang hayop dito sa naturang lugar. Mayaman din ito sa bato, gaya ng silica stone na siyang pangunahing sangkap sa pagawa ng semento. May mga puno din ng mangga dito, mga saging, root crops at mga matitibay na mga kahoy.

Malakas din ang signal ng cellphone dito sa lugar kaya minsan dito rin ako nagboblog dahil hindi lang sa maganda ang lugar kundi malakas ang signal.

May mga bikers din na pumupunta dito. Ayon sa kanila, maganda daw ang lugar dahil sa mga mga mahihirap na daan na siyang paborito nilang daanan. Natutuwa naman kami dahil may mga taong palaging bumibisita sa aming lugar.

Hi its me @jb123