Diary Game Season 3| Halloween Special| October 23, 2021| Ang Pagpunta Ko Sa Nakakatakot Na Lugar

Magandang hapon sa ating lahat, lalong-lalo na sa mga magigiliw na magbabasa dito sa @steemitphilippines. Una sa lahat, nais kong batiin ang mga bagong myembro dito sa ating komunidad ng Maligayang Pagdating dito sa @steemitphilippines, nawa ay masaya kayo dito at enjoy lang sa pagpost at ibahagi ang mga tinatagong talento.

Malapit na ang Nobyembre, lalong-lalo na ang araw ng mga patay (all souls day) at araw ng mga santo (all saints day). Uso na naman ang mga kwentong katatakotan na minana pa natin sa ating mga lolo at lola.

Ngayon, dadalhin ko kayo sa mga lugar dito sa amin na sabi ng ilang mga tao dito ay may kakaibang elemento o hindi pangkaraniwang pangyayari sa lugar.

Una kong pinuntahan ang sinabi nilang isang malaking puno na may maraming mga ugat na nakalabas. Sabi ng mga taong nakatira dito ay pinamamahayan daw ito ng mga masasamang elemento gaya ng kapre, whitelady at mga boses na wala namang tao.

May isang araw pa nga na may dumaan dito dahil ang patay na kahoy na ito ay malapit lang sa kalsada, kaya nang may napadaan dito ay may biglang tumawag sa pangalan niya, at nang paglingun niya ay walang katao-tao, maliban sa kanya.

Sa pagpunta ko sa lugar na ito, nakaramdam ako ng pagkatakot dahil sa tahimik ang lugar at ang punong ito ay nakakatakot.

Sunod kong pinuntahan ang lugar na puno ng mga mangga. Pagdating ko sa lugar ay nakaramdam ako ng panginginig sa katawan. Ang lugar ay napakatahimik din at madilim dahil sa mga dahon ng mga puno ng mangga na nakapalibut.

Ayon sa mga sabi-sabi, ang lugar na ito ay may maririnig na mga boses ng batang umiiyak, at boses na humihingi ng tulong. Naririnig daw ito tuwing alas 12 ng hating-gabi.

Sunod kong pinuntahan ang malaking punong ito. Ang tawag namin dito ay puno ng "sinigwelas", at paboritong kainin ng mga bata ang mga bunga nito dahil matamis.

Pero ang mga bata ay umiiwas dito dahil daw may nakita silang babae na nakalutang sa hangin. Kaya umiiwas na ang mga bata na pumunta dito sa lugar. Sinadya ko talagang puntahan ang lugar na ito kaya nang makarating ako ay nakita ko talaga ang nakakatakot na lugar, walang ibang makikita maliban nalang sa mga malalaking punong-kahoy, at madadamong lugar.

Ang huli kong pinuntahan ay ang abandonadong lugar na ito. May bahay dito noong unang panahon at dahil puro patay na ang may-ari at ang mga anak ay nasa ibang bansa kaya giniba at pinabayaan nalang ito. May nagbabantay naman dito sa lugar. Ang lugar ay natutubuan na ng malaking puno ng mangga, at ako mismo ang magsasabing may elemento talaga dito.

Masasabi ko na meron talaga dahil nakaranas ako dito sa naturang lugar. Alas 9 ng gabi habang naglalakad ako sa lugar na ito galing kina lola, ay napansin kong tumindig ang balahibo ko. Ang tanging dala ko lang ay maliit na flashlight lang, may halong pagtakbo ang aking ginagawa at hindi sa inaasahan ay nakita ko talaga na may babaeng nakatindig sa pader mismo dito. Nakita ko ito dahil medyo natamaan siya ng ilaw ng aking flashlight kaya kumaripas ako ng takbo.

Kahit nandyan sila, at tunay na hindi natin sila nakikita ang tanging gawin lamang ay palagi tayong magdasal sa Panginoon para sa gabay kong saan man tayo pupunta.

Maraming salamat sa pagbasa, at advance happy Halloween sa lahat.

#trickortreat