Diary Game Season 3: April 23, 2021 Ang Pagluluto Ko Ng Pagkaing Pinoy

Magandang araw sa lahat, lalong-lalo na sa mga magigiliw na magbabasa at palaging sumusuporta sa mga post ko dito sa Steemit Philippines. At welcome pala sa mga bago kagaya ko dito sa ating community. Ngayon, ilalahad ko sa inyo ang mga kaganapan ng aking buhay noong nakaraang araw.
Tayong mga pinoy ay mahilig sa pagkaing gawa ng sariling atin. Panghimagas, mga ulam at iba pa.
Araw ng Byernes, April 23, 2021 . Umaga palang ay tumawag ang mama ko na magluluto daw kami ng maruyang saging pang meryenda. pumunta kasi ako sa bahay ng Tito ko para bumisita sa kanila. At doon ako natulog, kaya kinaumagahan, tinatawagan ako. Agad naman akong naghanda sa aking sarili. At swerte naman na nakasakay ako agad.

Habang nasa byahe, ay may napansin akong isang lugar na malapad at napakaganda. Ang lugar na ito ay punong-puno nga maberdeng dahon ng palay, at nasisinagan ng araw na mas lalong nagpapaganda nito. May mga tao rin na nakikita ko at lahat sila ay abalang-abala. May nag-aararo, nagtatanim at may mga bata na naglalaro. Talagang masaya silang tingan, na kahit mainit ang panahon ay tila magaan lang para sa kanila ang kanilang mga trabaho.

Nang na nakarating na ako sa amin, ay sakto at nag-aalmusal silang mama, niyaya nila akong kumain ng almusal.

Tuwang-tuwa naman ako kasi ang ulam namin ay ang paborito kong isda. Sinangag ang pagkakaluto nito namay kasamang sili kaya mapaparami talaga ako ng kain. Pagkatapos naming kumain, nagsimula na akong magbalat ng saging. Habang si mama ay kumuha ng harina.

Pagkatapos kong balatan ang saging ay hiniwa naman ito ng hugis pamapay para maging magandang tingnan.

Ibinabad sa may harina at dahan-dahang tinatabunan ng harina na may tubig. Ang dahilan kung bakit linalagyan ng harina ay upang mas masarap ang maruyang saging na nilolotu.

Ibinabad muna namin ng ilang minuto habang nagpapainit ako ng mantika. Habang ginagawa namin ito ay nagkekwentohan naman kami ng nanay ko tungkol sa mga bagay-bagay. At nang mainit na ang mantika ay sinimulan ko na ang pagluto.

Ang bango ng niluto ko ay abot sa boung bahay. Habang nagluluto ako ay ramdam ko ang akung gutom habang nakatingin sa niluto ko. Madali lang itong lutuin, mga 2 minuto luto na.

Eto ang aming finish product, maruyang saging. Mas masarap ito kapag nilagyan ng asukal at margarine. Pagkatapos kong lutuin lahat ay namahagi naman kami sa aming kapitbahay na nakatira lang sa aming tapat. At masaya kaming kumakain.
Tunay na masaya ang kainan kapag kompleto ang pamilya sa hapagkainan. Punong-puno ng kasiyahan at pagkakaisa.