Burnsteem25|| December 12,2022|| Diary Game Season 3|| "Beach Photography"

Maganda gabi sa ating lahat, muli ito po si @jb123 na maghahatid sa inyo ng mga magagandang larawan o tanawin dito sa aming lugar. Napag-isipan ko ulit na maglakbay sa dalampasigan kasama ang iilan sa aking mga kaibigan. Maganda kasing maglakbay lalo na kapag umaga pa dahil maginaw at isang uri din ito ng pag-ehersisyo sa katawan. Una kong pinuntahan ang lugar na ito kong saan makikita ang mga malalaking bato na nasa dalampasigan. Naitanung ko sa aking sarili kong saan nanggaking ang mga malalaking bato na ito, hindi naman nahulog dahil wala namang mga malalaking bato sa pampang. Ayun sa mga sabi-sabi matagal nang panahon ang mga bato dito sa dalampasigan kaya lubos akong humanga sa aking narinig. Sakto at pagdating namin doon ay low tide kaya makikita sa boung lugar ang mga bato at mga hipon na nakatago sa ilalim ng mga bato.

Isa sa mga hayop na nakita ko kanina ay itong tinatawag na sponge. Kadalasang makikita ito sa ilalim ng malalaking bato o sa mga botas ng mga corals. Ang kinakain nito ay mga maliliit na mga uri ng hayop o phytoplankton at mga maliliit na isda o fingerlings. May mga ibat-ibang uri ng sea sponge ang makikita dito, at ang kadalasang kulay na makikita dito ay kulay pula at brown. Mabilis itong gumapang sa mga mababatong lugar. Hindi ito pwedeng kainin at tanging ang kagandahan at hitsura lang makakabighani nito para sa mga tao.

Napansin ko rin itong isang uri ng alimasag na nagtatago sa butas ng malalaking bato. Kapag madaling araw ay nagtatago ang ganitong uri ng hayop at kapag gabi naman ay lumalabas ito para manghuli ng makakakain. Pwede rin itong kainin at masarap ito sa sinabaw. Mabilis itong tumakbo at nagtataglay ito ng magagandang kulay gaya ng pula, puti at minsan ay itim. Ang mga taong nakatira malapit sa dalampasigan ay mahilig manghuli nito.

Dahil low tide, marami ang pumunta sa baybayin para manghuli ng mga alimasag, hipon, isda, at seashell na pwedeng kainin. Minsan nangunguha din ako ng mga ito para may pang-ulam na sa bahay. Sakto at pagpunta namin kanina ay maganda ang panahon kaya nakakagala talaga kami kanina. Kahit mababato ang lugar ay may maganda naman pagliliguan dito, hindi kasi lahat ng lugar dito ay puro bato ang makikita, may mga buhangin din naman.

Namangha din ako sa mga batong ito dahil nakahelera ito sa gilid ng dalampasigan. Ayun sa iba na lubos na nakakaalam nito ay matagal nang panahon ang mga batong ito dito sa dalampasigan. May mga bata rin na paakyat-akyat dito. Ito ang tinatawag naming pagang, isang uri ng bato na isa sa mga kasangkapan sa pagawa ng semento. Nakakatulong din ito para may pamugaran ang mga isda , hipon, alimango at marami pang iba. Ang ibang mga bato ay natutubuan na ng mga halaman gaya ng mangrove na siyang nakadaragdag sa ganda ng lugar.

Naaliw ako sa mga magagandang lugar at mga hayop na nakita ko kanina. Kapag patuloy lang itong pangalagaan ang ating kalikasan ay tyak matatamasa talaga natin ang kagandahan at kasiglahan nito.

Nais kong imbitahan sina @manticao, @jessmcwhite at @aehryanglee para sa isang talaarawan at ang 25% mula post kong ito ay ibabahagi ko sa @null.