Hello, Steemit Philippines!

Ako po ay nandito ulit para sumali sa “The Clash” este sa Open Mic Week 2 - Filipino Music na pakana ni Nanay @olivia08. Kahit naman po alam ko po sa sarili ko na hindi po kagandahan ang boses ko, ako po ay nakikilahok po dahil mahilig po talaga ako sa videoke, nang-aagaw po ako ng microphone kapag may salu-salo. Ngunit dahil na nga sa pandemiyang ito, hindi ko na po nagagawa ang ganito.

Hindi pa po nabubuo itong contest ni Nanay ay mayroon na akong account sa Wesing na katulad lang din nitong Starmaker. Ang pagkanta po talaga ay libangan at katuwaan ko lang po kaya kung okay lang po sa inyo na madisturbo, sige po pakinggan nyo! 😅

Isang malaking desisyon po na i-upload ito sa aking youtube po kasi nakakahiya po talaga dahil may mga students na na nagfofollow na sa akin dahil sa mga video lessons ko. Pero, bahala na si batman!

Napili kong kantahin ang Magpakailanman na isang awitin ni Wency Cornejo at ang OST ng palabas sa GMA na may parehong pamagat dahil po sa mga napakagandang mga kwento ng mga Pilipino. Mga kwentong nagbibigay ng mga inspirasyon at pag-asa sa ating mga manonood.

Sa mga nakakakilala sa akin, siguro alam din nila ang hirap na aking dinanas upang makapagtapos ng pag-aaral at malagay sa ganitong posisyon ngayon. Madrama din kasi ang aking naging karanasan sa buhay, kaya palagi akong tinutukso na pang-MMK or pang-Magpakailanman din ang aking kwento.

Napakataas po kung ikukwento ko dito. At ang lahat naman ng lungkot na iyon ay nakaraan na, kaya okay na kalimutan. Pero, alam ko na ang kabanatang iyon sa buhay ko ay ang mga nagmulat at humubog sa akin.

---

Ano na @rye143? Ano na @lunajey? Ano na @grasyaa? Sumali na kayo! Sige kayo, Isumbong ko kayo sa Nanay ng Buong Pilipinas! 🤪🤪🤪🤪