Feeding Program + Bundles of Joy | Visayas Region (Bisaya)
Pwede mag bisaya? Para ako gyud ning masulti akong gibati ug gustong isulti?
Dako kaayo akong kalipay nga ako naapil sa activity nga gisugdan ug gipangulohan ni Maam @liamnov! Nagka-uban nami ani ni Maam sauna 2018 tungod ra gihapon aning steemit. Karon, wala nako damha mga mahitabo nasad kining panagpundok bisan pa man taliwala aning pandemya tungod sa Steemit. Pero karon sa mas makahuluganon kaayo nga rason - ang paghatud sa tabang ug kalipay ngadto sa atong mga igsoon nga mas nanginahanglan.
Sa ubos nga litrato, atong makita ang dagway sa mga bata nga atong gipakatawa ug gipalipay tungod niining feeding ug paghatag sa sayo ng pinaskuhan.
Nindot kaayo sa balatian nga ako nahimong usa ka instrumento aron kini mahitabo. Unta aduna pay daghan nga mga in-ani sa sunod!
Mga duha ka semana ang nilabay, nakakita kog post ni maam @liamnov nga aduna siyay pagahimoon nga feeding program, ug sa diha-diha ni comment ko nga interesado ko mukuyog ug mutabang. Nananghid kos akong uyab, ug nalipay kaayo nga gitugtan ko bisan paman sa iyang kalabalaka tungod aning Covid.
Fast forward. Feeding Day!
Ang sabot namo kay mag-abot mi sa Total, pero pag-abot nako didto wala pa si maam @liamnov. Pero iya kong giingnan nga naa na sad didto ang iyang mga kaubanan. Bisag uwaw, niduol gyud ko nila ug nagpa-ila ila nila nga uban ko nila ug mutabang ko sa preparasyon sa maong activity. Mapasalamaton lang ko kay ma-abi abihon sad kaayo sila.
Tuod man, niadto mi sa balay diin didto namo puston ug andamon ang tanan nga dad-on ug ihatag sa mga pamilya nga nagpuyo didto sa Barangay Ahos, Paknaan, Mandaue City. Bisan sa akong kaulaw, gi try sad jud nako nga maka connect nila bisag karon pami nagkita.
Mga alas 7:40 na gyud mi nagsugod ug repack sa mga ipanghatag. Ako ang nivolunteer nga mo kilo sa bugas kay di man ko kamao anang maglutog bugas nga dinaghan. Hahaha. Pero wa pa koy picture ana kay mauwaw pa man ko muhangyo hahah.
Pagkahuman nakog pamutos sa bugas nga tagsa ka kilo. Nitabang sad kog pamutos sa mga school supplies. Pero. ani mga panahuna kay ni baga baga nasad jud akong nawng ug nisugod nag tabi akong baba. Haha. Kay di aad jud pwede nga dili ko motabi unya mag-uban mi nila sa tunga sa adlaw.
Niabot nasad si maam @liamnov aning mga panahona, so murag at ease nako kay naa na gyud tawn koy kaila. Hahha. Samtang nag-getting to know each other ko nila, nagsige sad mig repack ug nagpadayon sad sa mga buluhaton para sa feeding!
Maulaw bitaw ko kay wala man koy amot aning feedinga gyud. Wala koy nahatag nga sbd kay gi power up man nako tanan. Niana sad ko ni maam @liamnov unsa akong dad-on, niana na ta to siya nga magdala kog 5 ka kilo nga bugas, pero pag buntag niana man siya nga ayaw nalang. So, mao to tabang tabang ra gyud akong ambag. Hahha pwede sad ako ang storya!
Pag-abot sa giorder nga bam-i akoy namutos ani.Gipaningkamotan jud nako nga maabot ug 100 pero kini laging wala tay experience sa karenderya, naa putos nga daghan ug sulod, naa say gamay ra. So mao to 93 ra ka putos ang nahimo nako. Sad layp!
Unya, kay lagi puros mani sila mga babay, ako sad ang nangalsa sa mga repacks ngadto sa taxi. May nalang jud okay akong hawak aning mga panahona. Heheh. Bitaw, tandugonon na ni akong hawak hahahha. tiguwang is real!
So mga 11:00 kapin ready na mi para muadto sa lugar. Sakto sad hapit na ang paniudto! So kay dili man mi igo tanan sa taxi, gibahin namo ang among kaugalingon. Nikuyog ko sa first batch para makatabang sad tawn ko sa set-up didto sama sa tarpaulin ug uban pa. Pero wa ko nisakay sa taxi kay nagmotor ra ko.
Larga!
Sus! Kalapok bitaw sa dalan bisag init na kaayo. Pero maayo nalang gyud kay init, kay ambot unsay nawng nako ug sa akong motor kung gauwan pa to. Kana ganing ma outbalance jud ka kay ma slide ang ligid sa imong motor. So manukod jud kas imong tiil diba? So mao to akong sapatos mao ni hahah;
Pag-abot sa 2nd batch. Amo dayon gisugdan ang feeding. Ni volunteer ko nga akoy mostorya kay mura man kog naay built in nga mega phone so dako kaayo kog tingog makadungog jud tanan. Hahah. Ingon gani akong mga kauban “Maestro gyud ka Sir” 🤣
So, mao to nagpaila ila sa jud mi. Unya akong gisulti nganong naa mi didto sa ilang lugar ug kinsa ang nag sponsor sa maong activity. Ug paghuman ato amo na gisugdan ang pagpanghatag sa pagkaon nga adunay kan-on, chicken ug bam-i! Nindot kaayo kay naapud gyud ang tanan, bata ug tigulang. Tanan nahatagan!
Human sa pipila ka mga minuto, amo nasad gipalinya ang mga bata para ihatag ang mga school supply. Unya kay kalog man ko, pangutan on sad nako silag mga pangutana bahin sa klase, pero usahay mga inamaw sad para pampagood vibes ra gyud.
Human sa school supplies amo sad gihatag ang mga grocery item unya naapod ra gyud gihapon tanan. Kana ganing feeling nimo kuwangan pero naapod ra gyud. Feeling nako bitaw ato nga time pareha sa bible ba, katong nagpakaon si Jesus sa daghan kaayo sa gamay ra kaayo nga pan ug isda.
So mao to no? Nalingaw ug nalipay gyud kaayo ang tanan! Gawas lang atong nga iro nga nag-away tungod sa bukog nga gilabay unya giilogan. Sana all ilogan! 🤪
Ako, kuyog sa akong mga kauban nga ako ng mga friends diri sa steemit nagpasalamat sa kahigayonan nga inyong gihatag kanamo aron mahimong bahin sa paghatod ug kalipay ngadto sa atong mga igsoon nga naglisod intawn sa ilang sitwasyon.
Thank you kaayo ninyo: @itsmejos, @analizasuperales, @lonelymae, @maris75 ug ni ate grasya pagyud! 😊😊😊
Kining activity unta magpahinumdum natong tanan sa paggahin ug oras ug atenayon ngadto sa mga taw nga sama kanila. Ato silang hinumduman ug dili pasagdan.
Thumbs-up kaayo ko ani nga activity kay ako sad gimingaw ko ani nga activity kay sauna pud mag-in-ani man ko personally, isip pasalamat sa mga grasya nga nadawat.
Daghang Salamat!
As support for activities like this, I will set 30% for @steemph.charity and 20% for @steemitphcurator for this.
Wow, Glory to God kaayo. Salamat sa Ginoo naka buhat jud mo ug Feeding para sa mga bata.
Lingaw kaayo bro makapalipay sa mga bata, sa uban..
Salamat kaayo sa pag kuyog nila sir.,wako ka kuyog tungod sa pnghitabo nga dli malikayan.
way sapayan maam.
Mas maulaw gani me nimo ato sir ai 🥰. Dako jud amo pasalamat na nikuyog ka sir. Nindot jud Ang bation nato kung makatabang ta labi na sa labing nagkinahanglan.
bang hehheh. bitaw thank you maam! nice to meet you!
Nice to meet you too sir. Dia ra imo pic sir oh nagkilo ug bugas 😊.
![IMG_20211026_121231.jpg](https://steemitimages.com/640x0/https://cdn.steemitimages.com/DQmTBt5kBxYZLckfh8DZ7WfX8CEXr4RDPkSkSHWwBpUzkWr/IMG_20211026_121231.jpg)
Hala naa jud diay 😀
Great job kaayo ninyo sir and mga Maam.
Thank you.
Nice job kaayo mga maam ug sir nga bisdak.👍Siguradong lipay jud ang mga bata nga recepients ug apil na ang mga dgko. Sayong pinaskuhan.
Wow thumbs up pud kaayo ko ani sir...God bless. and nalingaw gyud ko ug basa sa imong post... hehehe
Hahaha lagi magbisaya sad ta usahay oy hahaha
uy grabe kaau nindot ni nga activity sir.. unta mapansin ni ni 01 para ma upvote ug mahatagan pa jd mo ug laing chance para makabuhat ani... congrats ug more power
salamat maam. Lagi pero di ra ta mag expect.