Post Your Most Amazing Christmas Photo Challenge - Unang Pasko Bilang Isang Ama

Magandang Araw po sa Inyong Lahat!

Kamusta po kayo? Medyo matagal-tagal na rin po akong hindi na pagsulat dito sa ating komunidad. Ngayon ang post na ito ay entry ko para sa contest na POST YOUR MOST AMAZING CHRISTMAS PHOTO CHALLENGE.

Marami po akong mga larawan sa pasko. Pero itong ibabahagi ko sa inyo ay isang special na milestone sa aking buhay bilang isang ama. Nagpapasalamat ako sa aking asawa na naitago pa niya ang mga larawan na ito.

Ang mga larawan na makikita ninyo sa baba, ay kuha noong unang Pasko ng aming panganay na anak. Ibig po nitong sabihin, unang Pasko din namin bilang mga magulang. Unang Pasko ko bilang isang ama.

Para po sa kaalaman ng lahat, kami po na mag-asawa ay tumira malayo sa aking mga magulang at malayo din sa mga in-laws ko. Wala po kaming kamag-anak na kapitbahay. At sa unang Pasko namin na may anak, kami lang tatlo ang nagdiwang. Masaya naman kami. Dahil kompleto kami ng aking maliit na pamilya. Taong 2012 po ito. Hindi kami umuwi sa Negros at hindi rin sa kami umuwi sa Laguna.

Tight po ang budget sa mga panahon na ito. Kaya minabuti namin na sa bahay nalang namin dito kami magdiwang ng kapaskuhan. Masaya naman kami. Naghanda kami ng konting pagkain. Hindi marami kasi kami lang naman dalawa ng asawa ko ang kakain. :D

Kung makikita po ninyo sa mga larawan, bakas po sa aming mga mukha ang kaligayahan. Lalong lalo ng ang aming napaka-Cute na anak. Napaka inosente. Ngayon Siyam na taong gulang na sya. Ang bilis ng panahon. Pero masarap balikan ang mga pagkakataon na ganito. Lalong lalo na na maibalik pagnakikita mo ang mga larawan ng nakaraan.

Ang Christmas Tree na nasa larawan po ay yan lang natatanging Christmas decoration namin. Na minsan eh hinahablot pa ng aming anak. heheh.

Para po sa akin, hindi mahalaga ang sobrang pampaskong palamuti. Ang importante masaya ang mga taong naninirahan sa loob ng aming tahanan.

Sa totoo lang po, natutuwa akong tingnan ang mga larawan na ito. Sana ay nagustuhan ninyo ang aking kuwento sa likod ng mga larawan sa taas.

Hanggang dito nalang po at hanggang sa muli!

Inaanyayahan ko pala ang aking mga kaibigan dito na sina Ate @jurich60, @jewel89 at ang aking asawa @me2selah na sumali sa patimpalak na ito.

Ang iyong kaibigan,
Arjay