Magandang umaga sa lahat, kumusta na kayo? Sana ay nasa maayos kayong lahat sa araw na ito. Ang ibabahagi ko sa inyo ngayon ay tungkol sa pagpunta ko sa aming Lupang sakahan doon sa Dunque, Manticao, Misamis Oriental. Malayo kasi ang lupa na pagmamay-ari ng mga magulang ko, at kailangan pang sasakay ng motorsiklo at babyahe ng ilang oras bago makarating sa lugar.

Pagdating namin sa bukid ay agad sinimulan ang pagtatanim ng mga prutas gaya ng mangga, kakao at marami pang iba. Maaga kaming pumunta sa bukid para hindi masayang ang mga oras at para maaga rin kaming makabalik sa bayan. Habang nagtatanim kami ay biglang pumatak ang ulan dahilan na kami ay nababahala dahil malapit lang kami sa sapa at ang lupa ay malambot kaya nagmadali kami.

Pero di nagtagal ay tumigil na ang pag-ulan, may maraming mga damo at talahib sa natirang lugar kaya pahirapan kaming nakapunta doon.

Ito ang itinanim naming makupa, at kakao na binuhat ng aking kapatid upang dalhin sa lupang pagtataniman nito, sinubukan dalhin pero napakabigat pala. Ang lupang pag-aari ng magulang ko ay wala pang masyadong mga tanim. Tanging mga damo lamang ang nandito kaya naisipan naming magtanim dito para mapakinabangan ang lupa at may maani sa darating na panahon.

Malayo ang pinagdalhan namin ng mga tanim pero kahit malayo ay nag-enjoy naman ako dahil marami akong nakikitang magagandang tanawin. Pero kailangan talagang mag-ingat sa paglalakad dahil maputik at isang maling pagkilos ay mahuhulog sa bangin.

Pagdating namin doon sa lugar na pupuntahan namin ay nakita ko ang ibat-ibang mga halaman gaya orchids at iba pang halamang ligaw. Napakaganda nito at tumutubo ang mga ito sa mga malalaking bato at mababasang mga lupa dahil ang gusto ng halamang ito ay yung lugar na nababasa.

Maraming makikita na mga halaman sa bukid at ilan sa mga ito ay ang mga halamang namumulaklak gaya ng orchids. Ilan sa mga nakita ko ay itong halaman napakaganda at bunga nito ay parang plastik at parang maliliit na mga niyog pati na ang mga dahon nito.

Isa sa mga nakakamanghang halaman na nakita ko ay iting tinatawag kong mosh plant na tumutubo lang ito sa malalamig na lugar gaya ng sa bukid. Maliliit ang mga dahon nito at napkalabong ng mga dahon. Nasa mga bato ito makikita o sa gilid ng ilog o pangpang.

Ang mga dahon nito ay parang buntot ng lubo dahil makakapal ito yung iba tinatawag itong foxtail.

Nais ko lang idagdag itong paboritong kong tuta na si steemit, ito ang una niyang pagkaligo sa dagat noong Unang araw. Masaya ako dahil bibong-bibo ang tuta ko, palaging tumatakbo kahit saan at nang naligo kami sa dagat ay sumunod ito sa akin kaya laking gulat ko nalang.

Ibang-iba kasi siya sa ibang mga aso na takot sa tubig kaya lubos akong napamangha. Lumalangoy ito at hindi ko namang hinayaang makapunta sa malalim na parte ng dagat.

Napakasaya ng araw ko dahil nakatulong ako sa aking mga magulang at nakabisita uli ako sa aming Lupang sakahan.

Nais kong imbitahin sina ate #olivia08, ate @jurich60 at @jb123 sa diary ng @steemitphilippines.

Maraming salamat sa pagbasa at magandang umaga sa lahat.

Nagmamahal,
@aehryanglee

Mabuhay Steemit Philippines