PehTem #6: Eungkot Masen Lhok Seudu bek Sampe Lagee 'Masen' Udep Tanyoe

Eungkot masen meugantung-gantung. Foto cok keudroe

---

Lhok Seudu nyan na keuh saboh teumpat that lagak. Bah pih meunan na cit, teumpat nyang leubeh lagak lom, di Pulo Aceh, Pulo Weh, Pulo Banyak. Nyan keu tamse mantong dilee.

Garag-gara nyan, keueh na ureung kheun bak saboh uroe: Aceh nyoe geu peugeut that meuseuniya, meusaneut. Ceudah leupah pokok jih. Meunan cit asaoe bumoe. Hana peu tatayong. Suwab nyan keuh, bansa luwa jimeureupah jak u nanggroe nyoe.

Biet, tanyoe han jeut keu hireuen. Aceh nyoe geukheun tanoh Aulia. Le Aulia Allah nyang udep meu aneuk cuco bak nanggroe nyoe. Gue cae, geu meu panton ngon geumeu hikayat inoe mandum.

Pakon Lhok Seudu?

Lagee awai phon lon tuwan rika haba. Lon buka kalam. Lhok Seudu nyan mimang that canden. Posisi jih di Gampong Layeuen, Kecamatan Leupung, Kabupaten Aceh Rayeuk alias Aceh Besar. Nyoe pat jiduek jih bak Polem Google Maps

Nyan keuneuk peu sampoe di sinoe kon hai nanggroe jih nyan ceudah. Nyan na keuh bhah lain lom. Alam di sinan memang ceudah hana ban. That rimbang nyoe meudiwana. Tapi dinoe, na bah laen nyang lon peusampoe, keu rakan adoe di donya maya.

Di Lhok Seudu nyan, peumandangan alam jih pih kon lee lagak. Cuedah that. Na nyang peugah lagee di Eropa. Wallahualam. Saweub hana trok lom u tanoh Eropah. Na hai laen nyan that meusaneuet ta proh di sinoe. Nyan keun suee eungkot masen.

Lhok Seudo nyan jeut takheun ibu kota Layeuen. Luwah Layeun nyan 12.50 hektare sagai. Jeut ta peugah, 70 peureusen rakyat gampong nyan geujak meulaot. Nyang laen meutani awata meugo, meukat, na laen lom bacut sapeue. Data bak Badan Pusat Statistik (BPS) Provinsi Aceh dituleh, ureung nyan tinggai di Layeun nyan di thon 2017 na keuh 898 droe. Bak 2018 meutamah jeut ke 916 droe.

Abeh nyan, bak thon 2019 jeut keu 933 droe. Leungkap jih jeut syedara kalon di sinoe. Deungon deeb nan ureung duek atawa ureung tinggai, na keude kupi/keude bu, 20 pinto. Kios atawa toko 30 boh pinto.

Dari 30 boh kios nyan, nyan paleng lee ka pasti kios eungkon masen. Bek meudawa lee. Nyoe han neu pateh neu ci jak kalon sigoe-goe. hehe. Nyoe peukon. Nyoe kon, jaroe lon bek neukoh. Saweub nyan ka meu teuntee, han meugese lee.

Soe nyan hana tusoe man eungkot masen Lhok Seudu?

Kamoe meujak keunan bak Sabtu baroe sa, 22 Mei 2021. Posisi Lhok Seudu bak bineh jalan Banda Aceh u Aceh Jaya. Saweub nyan cukop meukeunong keu teumpat meukat. Peu lom meukat eungkot. Karap si panyang jalan na kios eungkong masen lam kawasan Lhoek Seudu. Di sinan na cit Teumpat Peutreuen Eungkot atau (TPE). Nyoe lam bahsa toko TPI geukheun. hehe.

Ka sep syarat Lhok Seudu nyan jeut keu kawasan bloe publoe (baca: meukat) eungkot masen. Oh ya, na cit nyang kheuen eungkot teupeuda. Eungkot nyan geupeuda pih macam-macam. Geu mulai nyan ubiet (kareung) sampoe nyan raya na cit. Noh pih na. Peu lom geurita. Geuritan teupeuda pih that meukeunong.

Mandum na lam kawasan nyan. Tinggai pileh toh nyan hawa. Nyoe suai yum, hanjeut ta peugah di sinoe. Jeut keucewa. Pakon meunan? Saweub yum jih hana lagee tanyoe mubloe di Indomar*t. Atawa bak toko laen nyang ka pasti hanjeut lakee kureueng meu si angen pih.

Lagee prinsep lon awai. Nyoe meubloe bak ureung gampong, nyak-nyak atawa kios-kios lagee nyan. Hana lakee kureung lee. Pakon meunan. Jawaban jih na lam tulesan #pehtem cit. Nyoe pat: Jak Beulanja u Pasai, Bloe U, Boh Rangkuweh ngon Sie Meugang Bacut.

Bak kali nyoe kamoe bloe geulitan teupeuda. Hana rayeuk, hana that ubiet cit. Kajeut lah keu puleh hawa. Sep lah nyoe ta pajoh man saboh rumoh. Nyan kureueng nyoe man saboh gampong. hehe

Sep oh no hana uroe nyoe. Bak laen watee ta meucuca teuman lom. Nyoe panyang-panyang that pih keunok kareuetu bak Awak Surak — @cicisaja, geu seupot lee awee Teungku Qhadi — @isnorman. Mungken cit geu peu ingat lee Ulee Sagoe — @rayfa) atawa geu yumeurumpok Mukim — @Saifuddin73.

Meuah beu lambong, nyoe na nyang hana patot, atawa han meusaneuet haba. Syabah meuruwah raya.