Malam ka jula ji teuka ujeun
sijuek lam tuleung ngoen limboet hana
Uloen neuk coba haba loen jangeun
pantoen peutumeun lon lanjut sigra

Haba loen rawi kata loen seusoen
Beujeut keu pantoen ubat peunawa
Pesan kak cici haba geu lamboeng
Nak puleh racoen di kaula muda

Seulawah agam manyang meuceuhu
Teuka geulanteu lam ujeun raya
Tanyoe yang muda beudeh beu laju
Mita manyam u jeulamee taba

Bek sampe di cok eungkoet bak panggang
Babah teuh reuhang meunyeusai teuma
Hana peu arti dum kata sayang
Tanyoe di tinggai ka gob po jeumpa