Postingan Phöen Nibak Komunitas Péh Tém: Saleum Meuturi Rakan Syedara
Assalamualaiköm narit lôen peuphôn.
Saleum lôen lamböng keu bandum syedara.
Teurimong geunaséh kak cici nyang that lôen sanjöng.
Kareuna ulôen ka neuböh seubagöe anggota.
Nibak kali nyoe nakeuh postingan phôn.
Golom that meuphôm di lôen manténg pemula.
Meunye na salah kata kadang meurawôn-rawôn.
Neumaklum hai ampôn lôen göh biasa.
Dua blah jaröe lôen diateuh ubôn,
Wareh ngen kaôm ayah ngen poma.
Izin peuturi droé bacut lóen peuphôn,
Sidröe aneuk gampong meurunöe sosial media.
Meugah di Aceh Utara kota Lhôk Sukön.
Rumöh meugudông dum ubé bé raya.
Mahathir keuh nan nama di ulôen.
Teuma asai lôen töe Pidie Jaya.
Lameulo nama gampong di ulôen
Jalan jak u butöng arah Unigha.
Kadang sigé-gé na röh neu kunjöng,
Bek tuwó neu hubungi lôn ngat tajéb kupi sama-sama.
Kaseb keuh 'oh nöe sya'e lôen rawön,
Baro kali phöen pantôn lôen rika.
Pat nyang na salah narit tan meusamböng,
Maklum keuh ampôn barô lon cuba.
Saleum keu bandum syedara
Bereih.. bereih 🤟 meutuwah @mahathir2508 ... Aci neu kalôn nyou hai Teungku Qadhi @isnorman ... Miseu lagè nyou anggauta, na can meuramah Awak Surak 🤣
Hahaha. Nyan panton lam teungeut cut kak @cicisaja aleh peu ka lon rika-rika
Loen galak baca, seu'ot hanjeut 😂 jadi ta srah bak ureung nyang galak seu'ot sambong. Siat nyou tanyou jeut posting galak2 sira ta meuruno teumuleh lam bahsa Aceh nyang sesuai EBA.
Nyou adak panton lam teungeut, ka jeut chit.. tinggai nteuk ta kalôn kiban nyang hayeu
Nyan lôn setuju that kak, peurle koreksi penulisan EBA dari rakan-rakan. Nyan antara teuingat2 han, trep that hana teupakek leuh awai lon belajar bak sikula
Baca pinned post tulesan Teungku Qadhi Kan? Sama-sama ta mèreunö
Get cut kak @cicisaja akan loen murajaah kembali bacut2
carong meucae @mahathir2508 na bakat jeut keu Syeh Kuna. Pajan-pajan na watee Kak @cicisaja ta peuget cae atawa hikayat lam Pehtem
Teuntée..nyan ka na lam catatan, siat nyou teungoh peuteupat tujuan Dan mita dukongan nak na manfaat bacut sapoe
yayaya beureuteh laju bak dicroh, kop carong i-ceumeucroh, thap-thiep, trap-triep lagee su minyeuk tacroh uengkot muloh, kiraju payah tob blangong, meuhan kombong ie, beureuteh minyeuk ateuh kulet.
Hahaha. Bacut saho ngen cang panah abu. Abeh meugeutah
yayaya