Meuronoë Tanda Trema (ö) Lam Bahsa Aceh
Malam nyoë postingan Nyak Kaoey mantöng suai meurunoë bahsa Aceh. Kali nyoë tasurah bhan tanda trema (ö) lam bahsa Aceh, sebagoë seunamböng postingan nyang ka lewat padum-padum uroë nyang ka u liköt.
Tanda trema geupakék seubagöe cara peubiza padum-padum böh ucapan huruh “O”. Padum-padum böh contoh kata ngôn tanda trema lagèe di miyup nyöe :
Sabön (sabun), peunajöh (makanan), teupöng (tepung), patöt (patut), agöng (agung), eungköt (ikan), kawöm (kaum/kerabat), peuphön (memulai), meureuhöm (almarhum), sipöt (siput).
Jinöe taci cuba pasöe kata bahsa Aceh nyan lam kalimah
- Menyöe manöe pakék sabön ngat gléh
- Ureuéng Aceh peunajöh timphan piasan rapa’i
- Poma geujak top teupöng bak jeungki
- Hana patöt murid lawan gurèe menyö kén seudèe pungo gila
- Iskandar Muda Sulotan Aceh nyang agöng
- Jak u pasi jak kawé éungköt
- Lam hudép beu tameusaré-saré ngôn kawöm keurabat
- Ngôn Bismillah peuphön kalam
- Meureuhöm Sulotan Iskandar Muda that meugah
- Ci baca calitra sipöt ngôn peulandôk
Nyan meunan rakan ban mandum, semoga na meunamfaat ke jamaah Pehtem seukalian. Pat na salah ulon teumulèh neupeubutoi laju sigra. Meuseubab malam ka jula, mata pih tinggai limöng watt téuk, lông peumada sampoë sinoë ilèe, singôh ta samböng lom. Wassalam.
Nyak Kaoey tengoh pohcakra ngon rakan penyair Din Saja dan budayawan Nab Bahany AS bak saboh jan di Kutaraja [Foto: ata jaméun]
Han komen bhah tulesan dilee, peu haba bang din saja? Ka na rumoh geuh, peu mantông éh di kuburan?
Rumoh na, aneuk ngon inong tinggal di rumoh, gob nyan "mengasingkan" diri mencari kembali jati diri di Masjid Peulanggahan, bukan di kuburan, meski dua tempat itu berdampingan.
Awai sabee geu peugah drou geuh Hana rumoh Dan payah tinggai di kuburan🤔 mudah2an sihat sabée Bang Din saja, jaroe geuh ka puleh Kan?
jaroe lheuh operasi uroe nyan ka puleh, tapi ceukang bacut, hana normal le lagee awai. Nyan gara-gara geumeulhe di Taman Budaya.
Ka get miseu geu i'tikaf di seumeujid, daripada geu Jak u TB, gobnyan tipikal ureung Aceh nyang kha dan berprinsip garis keras, cuma meulanggeh bacut yoh muda🤣
Campuran Aceh-Padang, ya, masa lalu biarlah jadi kisah, beliau ingin menatap masa depan yang lebih baik.
Nyöu ka leubèh mudah bak löen prunounsiyesyen bacut, ö hino bersuara lagèe awak medan kheun Jaoh Lae😁 kôn bak kata botak,kotak, mogok.
Samböng kata nomböi 2 beuh🤭 ureuèng Aceh peunajöh timphan piasan rapa'i, seumayang jeut na jeut tan nyang peuntèng pajöh khauri🤣
Keujeut sipöt Neu böh trema tapi peulandôk laen sedangkan dilafadh Saban?