Meureunöe Tulèh Surat Lam Bahsa Aceh

Ban ka tatuhö harah Bahsa Aceh, jinöe tameureunöe tulèh surat lam bahsa Aceh. Tacôk contoh surat muroh lam bahasa Meulayu geukhéun surat undangan. Misèu di gampông na sidröe-dröe ureuéng geumeukhanduri atawa walimah. Nyan ureuéng po piasan nyan na geumuroh kawön lingka. Ureuéng nyang töe geupeugah langsông, nyang jeu’oh geukirém haba bak surat.

Jinöe ci baca ngôn pham asöe surat muroh di miyup nyöe, cok nyöe keu contoh watèe keunéuk tulèh meubagöe surat laèn.

Teumaktub Kutaraja, 20 uröe buléun Mei 2021
Ukeué
Paduka Nyang Mulia Teungku Nyak Kaoey Ben Nurman
Di
Mukim Japakeh, Gampong Buangan, Meurah Dua, Pidie Jaya

Assalamualaikom warahmatullah, atéuh keureutah nariét lông tuleh, geunantöe lông jak bak rakan lông langkah, geunantöe lidah haba lông tuleh.

Insya Allah bak uröe Seulanyan, tanggai 24 Mei 2021, kamöe laköe binöe na meukeurija khanduri walimah meupeukawèn aneuék kamöe Siti Rabiah ngôn Teuku Hamzah ibnu meureuhöm Teuku Usman. Kamöe meuharap sangat supaya tröh neulangkah bak teumpat kamöe di Gampong Peulangahan, Kutaraja bak uröe nyang ka meuhad.

Hormat dari kamoe
Teuku Raja Puteh
Cut Nyak Maneh

Nyan ban jamaah Pehtem, long that meuchèn na undangan lam bahsa Aceh lagèe nyan. Bagi nyang mantông lajang-lajang, nyan watèe meunikah singöh bèk tuwo tulèh surat lagèe model long tulèh di atéuh beh. Saleum meuchèn Nyak Kaoey keu rakan bandum.

Poto Potjuet Putroe permaisuri Sultan Aceh sumber