ငါးအူဆီပေါင်း
ဟိုတစ်နေ့က ဘုရားကြီး အရှေ့မုခ်မှာ
နေသည့် ရုံးမှမိတ်ဆွေက ငါးအူဆီပေါင်းသုတ်
ယူလာသည်။ ငါးအူဆီပေါင်းဆိုသည်က
ယခင်က အလွန်ပေါသည်။ ယခုအခါမှာ
အလွန်ရှားပါးသွားသည်။ ငါးအူဆီပေါင်း
သည် ငါးဗိုက်အတွင်းမှ အဖြူရောင်
လေဖောင်အလုံးလေးနှစ်လုံးကို ခေါ်ခြင်း
ဖြစ်သည်။
ယခုအခါ ရှားပါးသွားရခြင်းမှာ တရုတ်ပြည်မှ
ဆေးအဖြစ်အသုံးပြုရန် ဝယ်သည့်အတွက်ဖြစ်သည်။
ငါးအူဆီပေါင်းနှင့် ငါးအတွင်းကလီစာများကို
ကျွန်တော်အစ်မက ပူပူနွေးနွေးချက်ကျွေးတာ
စားဘူးသဖြင့် ကြိုက်သွားသည်။ အေးသွားပါက
ခဲသဖြင့် စားမကောင်းပေ။
အဆိုပါမိတ်ဆွေ၏ အိမ်နီးချင်းသည် ငါးအူဆီပေါင်းများကို ဝယ်ပြီးအခြောက်ခံကာ တရုတ်ပြည်သို့
တင်ပို့ရောင်းချသည်။ ငါးအူဆီပေါင်းတွင်
အတွဲလေးနှစ်ခုပါရှိသည်။ ထိုနှစ်ခုအနက်
တစ်ခုသာ အခြောက်ခံပြီး ရောင်းချ၍ရသည်။
အခြားတစ်ခုအား စားသုံးသူများထံ အစိုအတိုင်း
ပြန်လည်ရောင်းချသည်။
ထိုပြန်လည်ရောင်းချသည်သည့် အစိုငါးအူဆီပေါင်း
ကို မိတ်ဆွေဖြစ်သူက ဝယ်၍ သုပ်ယူလာခြင်းဖြစ်သည်။ကျွန်တော်က အိမ်သားများစားရန် မိတ်ဆွေထံသို့ ငါးအူဆီပေါင်းမှာယူ၍
သုပ်ကြည့်သည်။ထိုအခါ ငါးအူဆီပေါင်းမှာ
ငါးဗိုက်ထဲမှ ထုတ်ယူပြီးပြီးခြင်း ချက်သည်လောက် စားမကောင်းချေ။
ငါးအူဆီပေါင်းကို မည်သို့ပြုလုပ်ထားသည်မသိ
ပျော့သွားအောင် ရေအတော်ပြုတ်ယူရသည်။
လတ်လတ်ဆတ်ဆတ်ငါးအူဆီပေါင်းလောက်
စားမကောင်းပေ။ သုပ်စားသည့်အခါ အနည်းငယ်
မာ၍ ဆက်တောက်တောက်ဖြစ်သည်။
@htwegyi
MSC.036
စားဖူးဘူးဗျာ
ရှာဝယ်သုပ်ကြည့်ဦးမှ
ဒီမှာတော့ရှားသွားပြီ
အစားအစာဆိုတာကလေ ပြုလုပ်ပေးသူရဲ့ လက်ရာပေါ်မှာမူတည်တယ်ဗျ
ဒါလဲဟုတ်တာပ
ငါးဥပေါင်း မစားဖူသေးဘူးဗျ
နောက်မှစားဦးမယ်ဗျာ
အိမ်သူသက်ထားကို ချက်ကျွေးခိုင်းပါလေ။
ဟာ... မေ့နေတာရယ် အဲဒီ ငါးအူစီပေါင်း.... ငါးအကောင်ကြီး ရဲ့ အူ တွေပေါ့.... သတိရသွားပြီ...
ဟုတ်တယ်ကိုဟင် ငါးအကြီးကြီးဆိုတာ ပင်လယ်ထဲကငါးအူဆီပေါင်း
တော့ မစားဘူးဖူး။
ဟုတ်ပအေ ဟိုတုန်ကဆို ဘယ်သူမမှ အဟုတ်လုပ်မစားကြတော့ စျေးပေါ အခုများကြ တော့
အဲ့ဒါပဲ အဓိက ကတော့