Diary game

،آہا
آخر کار وہ دن آہی گیا جس کا اتنے دنوں سے انتظار تھا ۔
آج سوموار ہو گیا۔ آج ہمارا کراچی کے لئیے روانہ ہونے کا دن ہے ۔کب سے تیاریاں چل رہی تھیں اپنے شہر کی طرف روانگی ۔بالآخر انتظار کے لمحات ختم ہو گئے۔
اپنے شہر ،اپنے لوگ ،خوبصورت یادہں،امی کا گھر،بچپن کا گزارا ہوا وقت ،ایک ایک سوچ دل کو گرما رہی ہے۔بچوں کا جوش وخروش دیکھنے کے لائق ہے۔ صبح اٹھتے ہی اسٹیشن جانے کی تیاریاں شروع ہو گئیں۔جو چیزیں اٹیچی میں رکھنے سے رہ گئیں تھیں وہ رکھی جا رہی ہیں،توبڑی بیٹی راستے کے کھانے کے لئیے اشیائے خوردونوش تیار کر رہی ہے ،میں خود بھی ایک جگہ سے دوسری جگہ بھاگی بھاگی پھر رہی تھی کہ کہیں کچھ رہ نہ جائے کے جانے سے ۔بہر حال کراچی بہت دور کی جگہ ہے اور کچھ بھول جانے کا مطلب (کف افسوس ملنا)۔لہٰذا ہر چیز بڑی سوچ سوچ کے رکھ رہی تھی۔
ہماریی ننھی منی سی "کورے"
میں اسکاسماجانا ناممکن تھا۔میاں صاحب کرائے کی گاڑی
لےآئے۔جلدی جلدی سامان لوڈ کروایا۔خود بیٹھے اور اب
اسٹیشن پہنچے ۔

اتنا سامان دیکھ کہ قلی بھاگے ہوئے آگئے کہ آج زیادہ کمائ ہوجائے گی۔لیکن مقابل اگر ہمارے میاں جیسا بندہ ہو تو ایسی خواہش حسرت ہی بن جاتی ہے۔بڑی لے دے کے بعد سامان قلی کو دیا اٹھانے کو اور خود اس کے پیچھے پیچھے چل پڑے۔آخر کو ٹرہن نے پلیٹ فارم نمبر7 پے آنا تھا اور فاصلہ زیادہ تھا۔
لو جی ٹرین بھی اپنے وقت پے آگئ اور سفر کا وقت شروع۔۔۔۔۔سب سامان ٹرین میں رکھ کے خود بھی اپنی نشستیں سنبھال لیں اور ٹرین کے چلنے کے منتظر ہو گئے ۔ہمارے سامنے والی سیٹوں پے ایک نو بیاہتا جوڑا بیٹھا تھا اور ان کی ایک چھوٹی سی بیٹی بھی تھی جو کہ خود ہی سب کی توجہ کا مرکز بنی ہوئ تھی(بچے تو پھولوں کی مانند ہوتے ہیں جہاں جاتے ہیں اپنی خوشبو سے اپنے ہونے کا احساس دلاتے ہیں)
راستے میی بہاولپور سے سے میری بڑی بہن نے ہمارے ساتھ کراچی جانا تھا جیسے جہسے بہاولپور قریب آرہا تھا دل میں خوشی کے جذبات بڑھے جارہے تھے

لوجی آگیا بہاولپور ہم سب ایک ساتھ بیٹھے اپنا سفر گذارنے لگے اور وقت ایسی برق رفتاری سے گذرا کہ پتا ہی نہ چلا اور دیکھتے دیکتھےہی حیدرآباد پہنچ گئے

اب بس کراچی دو گھنٹے کی مسافت پے رہ گیا ہے اور یہ وقت بھی ایسے گزرا کہ پتا ہی نہ چلا اور ہم کراچی پہنچ ہی گئے الحمدللہ۔گھر پہنچے تو امی اور باقی اہل خانہ کو منتظرپایا ۔صاف ستھرے ہو کے ناشتہ کیا اور سب سے باری باری تفصیلی حال چال پوچھنے میں لگ گئے ۔جس مقصد(شادی) کے لئے آئے ہہں اس کے کپڑے اور تحفے تحائف کا تبادلہ شروع ہوگیا ۔ اس ہی ہمہ ہمی میں کب رات ہوئ اندازہ ہی نہ ہوا امی کے رات کے کھانے پے بلانےکے لئے آئیں تو پتا چلا کہ دن ختم ہی ہو گیا۔
اس کے ساتھ ہی میری آج کی روداد اپنے اختتام کو پہنچی ۔امید ہے کہ آپ کو پسند آئے گی
اللہ نگہبان
hafsasaadat@90