السلام و علیکم

دوستو امید ہے اللّٰہ تعالٰی کے فضل و کرم سے آپ سب لوگ خیریت سے ہوں گے اللّٰہ تعالٰی آپ سب کی حفاظت فرمائے اور آپ کے کاموں میں آسانیاں پیدا فرمائے۔

صبح کی مصروفیات

آج میں جلدی سے نہیں اٹھ سکا کیونکہ رات کو کافی دیر تک سو نہیں سکا تھا۔ رات کے وقت بارش کی وجہ سے لائٹ نہیں تھی بہت سے بجلی کے پول طوفان کی وجہ سے گر گئے تھے۔ میرے گھر کے قریب بھی ایک پول سے تاریں ٹوٹی تھیں۔ جب رات کو نیند کا وقت تھا تو زلزلہ آیا اور پھر ہم سب جاگ گئے زلزلہ بہت شدید تھا۔ لائٹ بھی نہیں تھی بچے بھی ڈر گۓ تھے۔ میں نے بچوں کو حوصلہ دیا اور پھر سب سو گئے۔ ہم سب جب اٹھے تو سورج نکل رہا تھا میں واک کرنے کے لیے کھیتوں کی طرف روانہ ہو گیا تاکہ واک کر سکوں اور فصلوں کے نقصانات کا جائزہ بھی لے سکوں۔

فصلوں کے نقصانات کا جائزہ

میں نے فصلوں کے نقصانات کا جائزہ لیا اور پھر واک کرنے کے لیے چلا گیا آج آسمان بالکل صاف دکھائی دے رہا تھا تمام درخت اور پودے بھی دھل کر صاف دکھائی دے رہے تھے۔ میں واک کرنے کے بعد گھر واپس پہنچ گیا گھر میں ناشتہ تیار ہو چکا تھا اور سب میرا انتظار کر رہے تھے میں نے سب کے ساتھ بیٹھ کر ناشتہ کیا۔ ناشتہ کرنے کے بعد میں نے جانوروں کے لئے چارہ کٹائی کیا اور پھر چارہ گھر لے آیا۔ میں نے جانوروں کو چارہ ڈالا اور پھر میں مارکیٹ سے جوار کا بیج لینے چلا گیا۔ میں مارکیٹ سے بیج لے کر گھر کی طرف روانہ ہو گیا گھر پہنچا تو واپڈا والی ٹیم میرے گھر کے قریب پول پر تاریں ٹھیک کر رہی تھی۔ میں نے ان سے معلوم کیا کہ کب تک لائٹ آ جائے گی۔ انہوں نے کہا آدھے گھنٹے تک بجلی بحال کر دی جائے گی

دکان میں مصروفیات

میں نے گھر واپس آنے کے بعد اپنی دکان کی چابیاں لیں اور دکان کی طرف روانہ ہو گیا۔ دکان پر پہنچ کر میں نے دوکان کی صفائی کی صفائی کرنے کے بعد کپڑوں کی کٹائی شروع کر دی۔ تاکہ جب تک لائٹ نہیں آتی تو میں اپنی کٹائی مکمل کر لوں۔ کچھ دیر کے بعد لائٹ آ گئ میں نے سلائی کا کام شروع کر دیا۔ سب سے پہلے مشین کے تمام حصوں کو تیل ڈالا اور پھر میں سلائی کرنے میں مصروف ہوگیا۔ میں نے 1 بجے تک سلائی کی اور پھر مجھے بھوک محسوس ہوئی تو میں نے دکان بند کر دی اور گھر چلا آیا۔ گھر پہنچا تو دوپہر کا کھانا تیار ہو چکا تھا میں نے دوپہر کا کھانا کھایا اور کچھ دیر آرام کیا۔ جب میں اٹھا تو 4 بج رہے تھے میں نے جلدی سے اٹھ کر ہاتھ منہ دھویا اور پانی کا ایک گلاس پیا۔ اور دکان کی طرف روانہ ہو گیا میں نے دوکان میں سارا دن کپڑوں کی سلائی کی شام سے پہلے میں نے دکان بند کر دی اور گھر کی طرف روانہ ہو گیا۔ گھر کی طرف واپس آ رہا تھا سورج بھی بادلوں میں چھپ رہا تھا۔ بادل اتنے گھنے تھے کہ ایسا لگ رہا تھا جیسے شام ہو چکی ہو۔ میں گھر پہنچا اور آج کی ڈائری تحریر کی جو کہ میں آپ لوگوں کے ساتھ شیئر کر رہا ہوں میں امید کرتا ہوں کہ آپ کو میری ڈائری ضرور پسند آئے گی۔

Photographer	Aamirhayat
Camera	mobile phone camera
Mobile phone	Redmi 9t
ISO	auto
Location	Mianwali Punjab Pakistan
Flash	No flash

Special mention to
@steemit-pak|@event-horizon| @vvarishayy | @hassanabid
for their support and guidance.