සිහින සොයන සමනල්ලු 🦋
Made by canva
සුභ දවසක් Steemit යාලුවෝ හැමෝටම.මම හිතනවා ඔයාලා හැමෝම හොඳින් ඉන්නවා ඇති කියලා. අද මම මේ steemit වේදිකාව තුළ කතා කිරීමට බලාපොරොත්තු වන්නේ,සිහින සොයන සමනල්ලු කියන මාතෘකාව යටතේ තමයි අද මම මේ කතාංගය ඔබ වෙත ඉදිරිපත් කිරීමට බලාපොරොත්තු වන්නේ.සිහින කියන වචනය අපේ සිතුවිලි හා සම්බන්ධව ගොඩනැගෙන අපූරුතම සුන්දර නිර්මාණයකි. ජීවිතයේ අපි ආස කරන හැමදේම අපිට ලැබෙන්නේ නැහැ.එයට හේතුව ලෙස මම දකින්නේ අද වර්තමාන සමාජය තුළ ගොඩනැගී ඇති විවිධාකාර වූද, වෙනස්ම වූද,පන්ති භේදයන් ඉස්මුදුන් කරගත් මානව සමාජයක, දහසක් බලාපොරොත්තු පොදි බැඳගත්පුද්ගලයින්ගේ සිතුවිලි කරා පියනගන මං පෙත් අහුරා දැමූ සමාජයකි.තමන්ට අත් කර ගැනීමට නොහැකි බව දැන දැනත් ඒ පිළිබඳව සිත තුළ මවා ගත් අඳුරු ඡායාවන් වලට යට වූ බොහෝ පිරිසක් අද සමාජය තුළ සිටිනු ඇත.
ඔවුන්ගේ නිමක් කොනක් නැති එම සිහිනවලට ළඟා වීමට නොහැකි වීම, සමාජයක් වශයෙන් සමාජය තුළ ජීවත් වන පුද්ගලයන් වශයෙන් අප සියලු දෙනාම වැරදිකරුවෝය.මම මෙම කතාංගයේ සමනළුන් ලෙස උපමා කරේ අද සමාජය තුළ ජීවත්වන යෞවන යෞවනියන්ගේ අහිංසක බලාපොරොත්තුය. සමනළුන් හට නිදහසේ පියඹායාමට හැකි වුවද අද සමාජය තුළ මවාගත් සිහින ඉෂ්ඨ කරගැනීමට පලාපොරොත්තුවෙන් සිටින බොහෝ දෙනෙකුට එම දේ කර ගැනීමට නොහැකිව තම වටිනා කාලය අහිමි කරගනිමින් පුංචි ඉඩක් හෝ වෙන් වේදැයි කියන අහිංසක බලාපොරොත්තු සිත තුළ පොදි බැඳගෙන ඔවුන් අදටත් ජීවත්වේ.මෙයයි අද සමාජය තුළ යථාර්ථය.මාගේ ඉල්ලීම නම් යම් කෙනෙකුගේ පුංචි හෝ බලාපොරොත්තුවක්,ඉල්ලීමක් ,ආසාවක් ඉෂ්ට කර දීමට වචනයකින් හෝ හැකියාවක් තියෙනවා නම් ,මා එය දකින්නේ ජීවිතයේ යථාර්ථය තේරුම් ගත් සිහින සොයා යන සමනල්ලුන් හට පාර කියන යහපත් පුද්ගලයෙකු වශයෙනි.
Made by canva
ජීවිතයේ ලස්සන කාල ටිකක් එන්න පරක්කු වේවි.
ඉතින්ජීවිතයේ හැමදේම අපිට ඕන වෙලාවට ලැබෙන්නේ නැහැ ඒත් එකම එක දවසක් ඒවි ජීවිතය විඳින....
මේ තමයි මගේ ජීවිතේ කියලා
හිතෙන....
ඉවසන්න සෑම මොහොතක්ම සෑම තත්පරයක්ම යම් දිනක විඳින්නට බැරි තරම් ඔබේ ජීවිතය ඔබට ලැබේවි....
ගිමන් නොහරින මේ ජීවිතයේ දුක සතුට මැද ගෙවී යන කාලේ
පුංචි සමනලයකු සේ....
පියඹ යන්නට ආසයි නිදහස් ගුවන් තලයේ....
ස්තූතියි 🙏