කලකට පස්සේ with Hostel Family | 5% for SL-Charity

කෝවිඩ් රැල්ල ඉවර වුණායින් පසුව (රැල්ල තාම ඉවර උනාට කෝවිඩ් තාම ඉවර නෑ ) නැවතත් සුපුරුදු පරිදි තම තමන්ගේ රාජකාරි වලට හැමෝටම යන්න වුණා. මේ ගෙවුණු සති දෙක තුනේ බෝඩිමට යනවා එනවා විතරයි මතක. ඒ තරමටම අපෙන් වැඩ ගන්නවා🙊.

කොහොම හරි මේ කාර්ය බහුලත්වයෙන් මිදිලා, අවුරුදු හතරක් විතර දුකට සැපට ළඟින්ම හිටපු යාළුවො ටිකක් එක්ක ( යාලුවෝ ටිකක් කිව්වට ඒක පුංචි පවුලක් ❤ ) පොඩි සවාරියක් යන්න අමාරුවෙන් ම දවසක් දා ගත්තා. හැමෝම දන්නවනේ ප්ලෑන් කරකර මොකක් හරි වැඩක් කරන්න ගියොත් ඒකට මොකක් හරි වෙනවා කියලා. එහෙම දේවල් මට නම් ඕනතරම් වෙලා තියෙනවා. මේකත් සතියකට විතර කලින් එහෙම ප්ලෑන් කරලා යන්න පටන් ගත්ත ගමනක්. කොහොමහරි ප්ලෑන් කරගත්ත දවසෙම සෙට් වෙන්න පුළුවන් වුණා. ඒත් ඉතින් ටික දෙනෙක්ට නම් එන්න බැරි වුණා.

සතියකට විතර කලින් යාළුවෙක් කතා කරලා ඇහුවා දවසක් දාගෙන හැමෝම කොහෙට හරි සෙට් වෙමුද කියලා. ඒක කරන්න අමාරු වැඩක් උනත් මමත් ගත් කටටම හා කිව්වා. මොකද හැමදේටම ළඟින් හිටපු ලෙඩක් දුකක් හැදුණත් හැමදේම කරලා දුන්න යාළුවො ටිකක් එක්ක දවසක් හරි ගත කරන්න තියෙන එක හිතට ලොකු නිදහසක්. එනිසා මාත් බෑ නොකිය කැමති වුණා. ඊට පස්සේ තමයි අමාරුම දේ. ඒක තමයි හැමෝටම ලේසියෙන්ම එන්න පුළුවන් තැනක් හොයාගන්න එක. එක එක්කෙනාට කතා කරාට පස්සේ තමයි දැනගත්තෙ ඔක්කොම ඉන්නේ රටේ තැන් තැන්වල කියලා. මම කිරිබත්ගොඩ, එකෙක් නුවර, තව එකෙක් පුත්තලම, අනුරාධපුරේ, දඹුල්ලේ, හොරණ, කෑගල්ල. ඒ ටික දැනගත්තට පස්සේ හිතුවේ නෑ කවදාවත් සෙට් වෙන්න පුළුවන් වෙයි කියලා. කොහොමහරි අන්තිමට හැමෝටම ලඟ තැනක් විදියට තෝර ගත්තෙ නම් දඹුල්ල. එතන ළඟයි කිව්වට මට නම් කිලෝ මීටර් 170 ක් විතර තිබුණා. එත් ඉතින් මොනා කරන්නද කාලෙකින් නේ මෙහෙම පුංචි පවුල එකතු වෙන්නේ. ඒක නිසා බෑ නොකියම යන්න තීරණය කළා. අන්තිමට කතා කතාකරගත් විදිහට ගොඩක් අය සෙට් වුණා. ඒත් ඉතින් ටික දෙනෙක් ට එන්න බැරි වුණා. සමහරුනම් marry කරපු නිසා ( හැමෝම පුරුදු වෙන්න මැරි කරන්න ඉස්සෙල්ලා යාළුවොත් එක්ක යන්න තියෙන විනෝද ගමන් ඉවර කරලා තියාගන්න. මොකද marry කළාට පස්සේ ඒ දේවල් කරන්න අමාරුයි මම හිතන විදියට.🙊😁) තවත් සමහරුන්ට නම් රාජකාරි කටයුතුවල තියෙන කාර්යබහුලත්වය නිවාඩු දවසට වත් නිවාඩුවක් ගන්න බැරි තරම් රාජකාරි වැඩ වැඩි නිසා. ( වෙලාවකට හිතෙනවා අපි ජීවත් වෙන්නේ අපේ නිදහසක් නැති කරන්ද කියලා😐 )

අන්තිමට මේ ගමන ඉවර වුණේ යාළුවො ටිකත් එක්ක සින්දු කියලා, උයාගෙන කාලා, අන්තිමට වැවක පැනලා නාලා දවසක් තිස්සේ හොඳට විනෝද වෙලා❤❤.

කාර්යබහුලත්වයෙන් මිදිලා නිදහස් සේ ගත කරපු තවත් දවසක් මේ විදියට ඉවර වෙලා ගියා.