Stress Release With Friends | කහදමෝදර Beach

steemit එකත් එක්ක පුළුවන් හැම වෙලාවෙම සම්බන්ධ වෙලා හිටියත් මගේ අත්දැකීම් බෙදා ගනීමට සිදුවූයේ ගොඩාක් කාලෙකට පස්සේ.ඒ මොකද ජොබ් එකේ ඇති කාර්යබහුලත්වය සහ නිදහස්ව ගත කරන සෑම අවස්ථාවකම වෙන කුමක් හෝ වැඩක් කිරීමට සිදු වන නිසාවෙනි.

මේ ගතවුණු මාස එකහමාර දෙක තුළ සෑම weekend එකකම වගේ මට යාලුවොත් එක්ක පොඩි පොඩි ට්‍රිප් යන්න සෙට් වුනා. ඒවා ඔයාලා එක්ක බෙදා ගන්න ජොබ් එකත් එක්ක මට වෙලාවක් නම් ඉතුරු වුණේ නෑ. අද මං කියන්න යන්නේ එක් වීකෙන්ඩ් එකක අපි ගියපු ගමනක් ගැන.

අපි හැමෝටම එක එක යාලුවො සෙට් වෙනවා. මගෙත් එහෙම ඉන්න යාලුවෝ යාලුවො සෙට් එකෙන් මේ ගමන නම් ගියේ හම්බන්තොටින් අපේ කැම්පස් එකට සිලෙක්ට් වුනු යාලුවෝ සෙට් එකත් එක්ක. ඒ සෙට් එකෙන් කොහොමහරි අපි යාලුවෝ නමයක් සෙට් කරගත්ත.

හැමෝටම ෆ්රී දවසක් සෙට් වෙනකන් මාසයක් තිස්සේ බලන් හිටියා.කොහොමහරි අන්තිමට හැමෝටම පුළුවන් දවස සෙට් වුණා. අපි එදා දවස වෙන් කරලා ප්ලේස් එකක් select කරලා ඒ තැන බුක් කළා. ඒ ප්ලේස් එක බුක් කරන්න මුලින් හිතුවේ හැමෝටම ලේසි වන විදියට . නැත්නම් මේක ජීවිතේට කරන්න වෙන්නේ නෑ. අපි සෙට් එකෙන් මායි තව එක්කෙනයි කොළඹ අවට ඉන්නේ. අනිත් හැමෝම ජොබ් එක කරන්නේ work from home . ඒ නිසා ප්ලේස් එක බුක් කළේ තංගල්ලට එහා බීච් එක ලග ප්ලේස් එකක් .මටයි යාලුවටයි දුර වැඩි වුණත් එයාල එක්ක සෙට් වෙන්න උවමනා නිසා එතනටම යන්න වුණා.

අපි යන්න දවස් දෙකක් තියල අපි සෙට් එකේ එකෙක්ට උණ හැදුනා.ඒ නිසා අපි ගමන cancel කරන්න හැදුවත් උණ හැදුණු යාළුවා කියපු නිසාම අපි සෙට් එක සෙට් වුණා.නැත්නම් මේක තව පස්සට ඇදෙනවා.

ඒ ප්ලේස් එක ගැන කිව්වොත් හරිම නිදහස් තැනක්. ඒ villa එකටම හිටියේ අපි විතරයි. ඒ නිසා අපි අපිට ඕන විදිහට එතන ගත කළා. එතන ඉඳන් බීච් එකට තිබ්බේ මීටර් 50ක් වගේ. එතන අපි අට දෙනාටම රූම් හතරකට රුපියල් තිස් දාහක් තමයි ගියේ .ඊට අමතරව අපිට අවශ්‍ය කෑම ඕන දෙයක් හදලා දෙන්න තව රු. දෙදහස් පන්සියයක් චාජ් කලා. ඇත්තටම රෑ කෑම ටික නම් හොදටම හදලා දුන්නා. එහෙම බැලුවම ප්ලේස් එකේ වරදක් කියන්න නම් නෑ . මේ තියෙන්නෙ ඒ ප්ලේස් එකේ [ලොකේෂන්](https://www.google.com/maps/place/Seth+Villa+By+Magampura+Resorts/@6.0647201,80.8962001,15z/data=!4m8!3m7!1s0x0:0xc60cf43ff91f97aa!5m2!4m1!1i2!8m2!3d6.0647201!4d80.8962001) එක.

අපි හවස එතනට සෙට් වෙලා.මුලින්ම ගියේ බීච් එකට. ඒකනම් හරිම නිදහස් beach එකක්. අපි ඇරෙන්න තව හිටියේ foreigner සෙට් එකක් විතරයි. ඒ සෙට් එකත් එක්ක ලස්සන බව්වල දෙන්නෙකුත් හිටියා.

අපි බීච් එකේ රෑ වෙනකන් ගත කරලා. ආපහු අපේ ප්ලේස් එකට ගියා .ඒ දවස් එහෙම ගත කරලා රෑ ආපහු ඇවිත් බීච් එකේ සින්දු කියලා අපි ඒ දවස අවසන් කළා. ඊට පස්සේ උදේ ඉඳන් පූල් එකේ බැහැලා පැය ගානක් හිටියා.

අන්තිමට අපි සෙට් එකටම හොඳටම බඩගිනියි . ඒ නිසා අපි තංගල්ල ප්ලේස් එකකින් දවල්ට කාලා හැමෝම විසිර ගියා.