වැස්ස | Steem Sri Lanka Rain Contest

හැමෝම වැස්ස නිසා කම්මැලි වෙලා ඉන්න කාලයක වැස්ස ගැනම ලියන්න තියෙන එක හොඳ අදහසක්.මං හිතනවා හැමෝටම මේ ගැන ගොඩක් දේවල් ලියන්න ඇති.හැමෝම පායන කාලෙට බලන් ඉන්නේ බලන් ඉන්නේ වැස්සක් වැටෙන්නේ කවද්ද කියලා.ඒත් මේ පාරනම් හැමෝටම මදි නොකියන්න වැස්ස ලැබුණා.ඒත් මේ වැස්ස contest එක මම දැකපු දවසේ ඉඳන් දවස් දෙක තුනක් යනකම් ම වැස්සක් වැටුණේ නෑ.මම නම් හිතුවෙ මට මේකට දාන්න ෆොටෝස් ටිකක් ගන්න බැරි වෙයි කියලා.වැස්ස ඇති වෙලා හිටපු මට ආපහු වැස්සක් වැටුනා නම් හොඳයි කියලා බලන් හිටියේ මේ contest එකට ලියන්න පොටෝ ටිකක් ගන්න බලාගෙන.කොහොම හරි ආපහු වැස්ස පටන් ගත්ත.ඒක නිසා මට පොටෝ ටිකක් ගන්න පුළුවන් වුණා.

දිගටම කාලයක් තිස්සේ වැස්ස ඇද වැටුණත් දවස් කිහිපයක් නැවතත් සුපුරුදු පරිදි අව්ව වැටුණා.ඒත් නැවත වැස්ස ඇද හැලෙන්න පටන් ගත්තා. කොහොමහරි මට ඕන විදිහට නම් ඒ වෙලාවේ වුණා.

මම හැමදාම වැඩට යන්නේ මගේ මෝට බයික් එකේ.ඒක නිසා වැස්ස නම් මට හොඳටම කරදර කළා. මෝටර් සයිකල් සයිකලයේ යද්දි වැස්ස මාව හොඳටම තෙමෙන නිසා මට වැස්සට නොතෙමෙන කබායක් සහ කලිසම ගන්න වුණා.කොහොමහරි ඒක ඒක ගත්ත දවසේ ඉඳන් දවස් තුනක් විතර යනකන් වැස්සෙත් නෑ.

වැස්ස කාලෙට කැස්ස හෙම්බිරිස්සාව හැදෙන එක නම් සාමාන්ය දෙයක්.ඒත් මේ පාර වැස්සට නම් මම හොඳටම තෙමිලා මට තවම නං ලෙඩක් හැදුනේ නෑ. එහෙම හැදුණත් ඒවා එළියට වැඩිය පෙන්නන්නෙ නෑ. මොකද කට්ටිය හිතන්නේ කොරෝනා හැදිලා කියලනෙ.🙊

මට නම් මේ වැස්ස හොඳටම කරදර කරේ වැඩට යන එන එකට තමයි.ඒ වගේම මගේ රාජකාරිය හැටියට අපේ project යන තැන්වලට යන්න එන්න ඕන . ඒකත් මගේ බයික් එකෙන්. මේ ටිකේ නම් ඒක මට ලොකු කරදරයක් වුනා. වැස්ස නිසා.දවස් දෙකක් වැඩට යන පාරත් වෙනස් කරන්න වුණා මොකද ඒ පාර වතුරෙන් යට වෙලා තිබ්බා.මම වැඩ කරන වැඩ කරන ස්ථානය තියෙන්නෙ කිරිබත්ගොඩ ඒත් මම බෝඩ් වෙලා ඉන්නේ අතුරුගිරියේ. ඒ නිසා මට කැළණි ගඟ පහුකර ගෙන තමයි වැඩට යන්න වෙන්නෙ.ඒ නිසා ඒ පාර දවස් දෙකක් විතර යට වෙලා තිබ්බා.

මේ උඩ පොටෝ එකේ තියෙන්නේ කඩුවෙල ඉදල කැලණියට යන පාරෙ පට්ටිවිල ප්රදේශය.ඒ ටික තමයි ඉස්සෙල්ලාම යට වෙන්නේ.

මේ මට බෝඩිමට යන්න තියෙන තව පාරක්.ඒ පාර දිගේ කිලෝමීටර් තුන හතරක් ගියාට පස්සේ තමයි දැක්කේ ඒ පාරත් යට වෙලා කියලා.ඉතින් මොකද කරන්නේ ආපු හරවන් ලොකු රවුමක් ගිහිල්ල බෝඩිමට ගියා.

වැස්ස වෙලාවට මම නම් ආසම කරන දේ තමයි හොඳට පොරව ගෙන නිදාගන්න එක.ඒ වගේම තමයි උණු උණුවෙන් මොනවා හරි කකා ප්ලේන්ටියක් බොන්න තියෙන එක.මං මේක ලියන්නෙ වැස්ස වෙලාවේ ප්ලේන්ටියක් බිබී ඉන්න ගමන්😛😍. මම හිතනවා හැමෝම වගේ ඒ දෙයට කැමතියි කියලා. පරිසරය වෙනස් වෙන එකටත් මං ගොඩක් කැමතියි.

වැස්ස නැතුව මැලවිලා තිබුන පරිසරය වැස්සත් එක්ක හොඳට ප්රබෝධමත් වෙලා.ගස්වල දළු දාලා මල් පිපිලා පරිසරය නම් හරිම ලස්සන වෙලා. ආපහු ඉතින් පායන්න පටන් ගත්ත ම පායන්න පටන් ගත්තම දැන් ඇතිවෙලා තියෙන මේ වැස්ස ආපහු කවද ද එන්නෙ කියලා අපි වගේම ගස් කොළන් පවා බලන් ඉන්නවා.