රට වහමුද

ඡායාරුප

ඇත්තටම මම මේ වෙලාවේ උත්සාහ කරන්න මගේ අදහස ට වඩා බහුතර දෙනාගේ කැමැත්ත මොකක්ද කියලා කතාබහක් ඇති කරන්න .මටත් පැහැදිලිවම හිතාගන්න බැහැ මේ වෙලාවේ රට වහන එක හොඳයි දැන් නැද්ද කියන එක ගැන .
අපි කවුරුත් දන්නවා මීට පෙර අවස්ථා දෙකකදී පලවෙනි පාර මාස තුනකට ආසන්න කාලයක් ,දෙවෙනි පාර මාස එකහමාරකට ආසන්න කාලෙකුත් රට වැහුවා .මගේ පෞද්ගලික මතය නම් මේ අවස්ථා දෙකේදිම අපේක්ෂිත ප්‍රතිඵලය අපට ලැබුණේ නෑ .ඊළඟ කාරණය ඒක නිසා ආර්ථිකය ගොඩක් අඩාල වුණා .

මේ සැරේ ආයෙ රට වහනවා නම් එහෙම වහන කාලය තුළදී සාර්ථක එන්නතක් සියලුම දෙනාට ලබාදීම තුළින් යම් හෝ සාර්ථකත්වයක් උදා කරගන්න පුළුවන් .චීනයේ සිනොෆාම් එන්නතක් දෙනවනං අදාල මාත්‍රා දෙකම දෙනතුරු රට විවෘත නොකර තියන්න ඕන . අවාසනාවට කාරණාව නම් සිනොෆාම් එන්නතේ ගැටළු තියෙන බව බොහෝ පිරිස් පැවසීම .එහෙම නම් ඒකට අදාල හරියන එන්නත භාවිතා කරන්න වෙනවා .

ඡායාරුප

එහෙම නැතිනම් අපට පුළුවන් ජන හා නිවාස සංගණනය කරනවා වගේ හැම ගමකම ඉන්න ග්‍රාමසේවක, සංවර්ධන නිලධාරි , සමෘද්ධි නිලධාරි ,පවුල් සෞඛ්‍ය සේවිකාව ,වගේ අය යොදා ගෙන දින තුනක් වගේ පොඩි කාලයක් ඇතුළත රටේ සියලුම දෙනාගේ ඇන්ටිජෙන් පරීක්ෂණ කරන්න .මෙතන්දි රෝගය ඇති හා නැති අය පැහැදිලිව වෙන්කර ගන්න හැකි වෙනවා .

දැනට සංචරණ සීමා ලෙස හඳුන්වන දේ තුළින් කිසිම ප්‍රතිඵලයක් නෑ කියන එක තමයි මගේ පෞද්ගලික මතය .

කොහොම වෙතත් රටේ සිද්ධවෙන දේවල් වෙනස් කරන්න අපිට බෑ හැබැයි අපිට පුළුවන් කතිකාවතක් ඇති කරන්න .ඉතින් ඔයාලගෙ අදහසුත් කියාගෙන යන්න .

සියලු දෙනාටම වසංගතයෙන් ආරක්ෂා වීමට ශක්තිය ධෛර්යය ලැබේවා කියලා ප්‍රාර්ථනා කරනවා !!