දීපාවලී දාට දීපාවලී සඳ අරන්…..

අපි කවුරුත් දිපාවලි කියකිය ඊයෙ නිවාඩු ගත්තා..හැමෝම ඔය නිවාඩුවක් එනකං ඇගිලි ගැන ගැන ඉන්නෙ..මට හිතුන දීපාවලි ගැන චුට්ටක් හොයල බලන්න..මොකද්ද,කින්ද මන්ද කියල..ඇත්තටම මොකද්ද මේ දීපවාලි දවස?

මේ දීපවාලි නැත්නම් දීවාලි දවස හින්දු ජනතාව ගොඩක් උත්කර්ෂවත් විදියට සමරන උත්සවයක්.ඒත් ලංකාවෙ ඉන්න හින්දු මිනිස්සු අපිත් එක්ක එකතු වෙලා අලුත් අවුරුද්ද සමරන නිසා..ඉන්දියාවෙ මිනිස්සුන්ට වඩා තරමක් වෙනස්.හින්දු අය මුලික වශයෙන් අලුත් අවුරුද්ද,තෛපොංගල් උත්සවය,දීපවාලි උත්සවය යනාදිය ඔවුන්ගෙ මූලික සැමරීම ලෙස සලකනවා..ඒ අතුරින් මේ දීපවාලි නොහොත් ආලෝක උත්සවය ප්‍රධාන උත්සවයක් වෙනව.
හින්දූන්ට අනුව එයාලගෙ නව වසරෙ ආරම්භය ඊයෙ කියල තමා සලකන්නෙ.ඒ චන්ද්‍ර දින දරශනය අනුව.මේ සදහා එයාල තමන්ගෙ ගෙවල් වල පහන් පත්තු කරල,එයලා මහත් හරසරින් පිලිගන්න දෙවියන්වන ශිව දෙවියන්ව වන්දනා මාන කරල නව ආලෝකය සනිටුහන් කරල තමයි දීපවාලි සමරන්නෙ..ඊට පස්සෙ මෙයාල කෝවිලට යන්නත් අමතක කරන් නෑලු.
මේ ශිව දෙවියන් අදහන්නත් විශේෂ හේතුවක් තීනව..නරකාසුර කියල අසුරයෙක් ඇවිල්ල දෙවියො ඇතුලු හිනිදු මිනිස්සුන්ට කාලයක් තිස්සෙ කරදර කරාලු..එ වෙලාවෙ ශිව දෙවියො තමයි අසුරය එක්ක සටන් කරල දිනල තීන්නෙ. අසුරයා මැරෙන්න යද්දි ශිව දෙවියන්ගෙන් ඉල්ලුවලු"මේ වරද උනේ මගේ අතින්මයි,මෙතක් කල් මං අනිත් අයට කරදර කලා,ඒත් ඒ වැරදි මට තේරෙනව,මගේ හිත මේ මොහොතේ නිවැරදියි.මං වරද පිලිගන්නව,මගේ හිත ආලෝකමත් උනා වගේම.මගේ මරණයත් එක්ක යහපත් කාලයක් උදාවේවි" කියල අවසන් වතාවට ශිව දෙවියන්ගෙන් ඉල්ලුවලු මං මැරුනු දවස ප්‍රීතිමත් උලෙළක් විදියට සමරන්න කියල. මෙන්න මේ හේතුව නිසා දෙවියන්ට ස්තුති කරන්න තමාලු මෙයාල මෙහෙම කරන්නෙ..

දීපාවලී උත්සවයේ කාන්‍තාවන්ට විශේශ තැනක් හිමිවෙනව.මොකද කිව්වොත් ඔය දවසට කෙරෙන වැඩ ගොඩක් කෙරෙන්නෙ එයාල අතින්...උදෙන්ම නැගිටල,නාල කියල,අලුත් ඇදුම් ඇදල,හැඩ වෙල...තමයි ඔක්කොම දේවල් කරන්නෙ.මේ උත්සවයේ කෝලම් රටා ඇදීම කාන්තාවන්ටම වෙන් වෙච්ච කාර්‍ය්යක්.ගෙදරට ඇතුල්වෙන තැන ලස්සන පාට පාටින් කැටයම් දාල අතේ හුරුවෙන් එයාල මේ කෝලම් අදිනව.මේවට ගොඩක් වෙලාවට යොදා ගන්නෙ හාල් පිටි,නැත්නම් හාල්.තව මල්වල පෙතිත් භාවිතා කරනවලු.ඒ සුවද එකතු කරන්නලු.මේකට මනා සංයමයක් සහිතව කරන් ඕනි ක්‍රියාවක්.හාල් නැත්තම් හාල් පිටි භාවිතා කරන්නෙ..අලංකාරය,සෞභාග්‍යය වගේම කුඩා කූඹියන් වගේ සත්තුන්ට අහාරයක් වශයෙන්ලු.
අපේ එක දවසක් උනාට මේක ඉන්දියාවෙ දවස් පහක් එක දිගට මේ උත්සවය සමරනව.එයාල මේකට පාවිච්චි කරන්නෙ සාම්ප්‍රදායික ක්‍රම වීම් විශේෂත්වයක්.
ඊට අමතරව කෑම තමයි විශේෂ,
එයාල පෝංගල් කියල හදන කෑමක් තීනව, තව මුරුක්කු,වඩේ,කැවුම්,රසගුල්ල,වගේ කැවිලි ජාති ගොඩකින් යන එන අයට සංග්‍රහ කරන්නත් එයාල අමතක කරන්නෙ නෑලු.

                                                                                                                                                                        srilife-චනා❤️ -