පළතුරු දෙකේ සැලඩ් එක

හලෝ යහලුවනේ, අපි පුරුදු වෙලා ඉන්නවනේ දවල්ට බත් කාල ඉවර වුණාට පස්සේ මොනවා හරි දෙයක් අවුල් පත් විදියට කන්න. මම නම් ඉතින් අයිස් ක්‍රීම්, යෝගට්, පලතුරු ජාතියක්, චොක්ලට් සහ අඩුම තරමේ මොනවත් නැත්නම් සීනි ටිකක් හරි කන්න පුරුදු වෙලා ඉන්නවා. අද අපේ ගෙදර කෙසෙල් ගෙඩි ගොඩක් තිබුණ. මොකද වත්තේ ගහකින් කපා ගත් කෙසෙල් කැනක් නිසා වැඩි පුර තියනවා. අසල් වාසීන්ටත් බෙදල තමා ඔහොම ඉතිරි වෙලා තියෙන්නේ. කොහොමත් කෙසෙල් ඉක්මනට ඉදෙන නිසා වැඩියේ තියා ගන්න බෑනේ. කනවා කියලත් ඔච්චර කන්න බෑනේ. කොමඩු ගෙඩියකුත් තිබුණ නිසා මම හිතුව දෙක එකට දාල සැලඩ් එකක් වගේ හදල අයිස් පෙට්ටියට දානවා කියලා.

මෙහෙම හිතපු මම මුලින්ම කොමඩු ගෙඩියේ ලෙලි ඇරලා පුංචි කෑලි වලට කපල බෝල් එකකට දැම්මා. ඊට පස්සේ කෙසෙල් ලොකු අවරියක් ගෙනත් ලෙලි ඇරලා ඒකත් පොඩි කෑලි වලට කපලා අර භාජනයටම දැම්ම. ඊට පස්සේ ලුණු කුඩු ටිකකුත් එකතු කලා. මී ලගට දෙහි ගෙඩියක් අරන් ඒකත් කපල දෙහි ඉස්ම ටිකත් ඒකට එකතු කලා. සීනි හැඳි දෙකකුත් ඒකටම දැම්ම. දැන් හොදින් පොඩි නොවන විදියට කලවම් කළා. මොකද මම සැලඩ් කද්දී ආශා කෑලි පිටින් තියනවට. ඒක නිසා තමා මම බොහොම පරිස්සමින් කෑලි පොඩි නොවන විදියට කලවම් කලේ. ඊට පස්සේ අයිස් පෙට්ටිය ඇරල අයිස් ක්‍රීම් ටිකක් අරන් ඒකෙනුත් හැඳි 5ක් දාල නැවත සැරයක් කලවම් කළා.

ඊට පස්සේ මම ටිකක් කොප්පෙකට දාල කාල බැලුවා. මාර රසක්නේ තිබුණේ. දෙහි ඇඹුල්, සීනි සහ අයිස් ක්‍රීම් කොමඩු වලට එකතු වුණාට පස්සේ එකේ මාර රසයක් දැනුණේ. මම කියනවට ඔයාලත් දවසක මේ විදියට හදල බලන්න. ඇත්තෙන්ම හරිම රසයි.

කෙසෙල් නරක් වෙලා අහක යන නිසා තමා මම මේ විදියට හැදුවේ අයිස් පෙට්ටියේ තියාන දවස් දෙකක් විතර කන්න පුළුවන්නේ කියලා. මොන දවස් දෙකක්ද ඒකේ රස කොච්චරද කියනවනම් එදා දවසින්ම සැලඩ් එක ඉවර වුණා.

කෝප්පෙට දාල කාල ඉවර වුණාම ඉතිරි වෙන අඩියේ වතුර වගේ ටික මාර රසයි. ඒ රස නිසා තව තව දාගෙන කන්න හිත පෙළෙඹවෙනවා. ඒකයි ඔය තරම් ඉක්මනට සැලඩ් එක ඉවර වෙන්න හේතු වුණේ.

කෙසලේ ගෙඩි විතරක් කෑවනම් කීයටවත් දවසකට කෙසෙල් ඇවරියක් කන්න බෑනේ. කොහොමින් කොහොමින් හරි කෙසෙල් ටික අපතේ ගියෙත් නෑ. අපේ බඩවලුත් පිරුණ.

කොහොමද හොදයි නේද වැඩේ. ඔයාලත් නිකන් ඉන්න වෙලාවට මේ වගේ හදල කාල බලල මට ගුණා ගුණ කියන්න. ස්තුතියි ලිපිය කියෙව්වාට. සුබ දවසක් හැමෝටම.