ලෝක මවුවරුන්ගේ දිනය
ලෝක මවුවරුන්ගේ දිනය අදට යෙදී ඇත. ඇමරිකා එක්සත් ජනපදයේ ඇනා ජාවිස් නමැත්තිය 1908 වසරේ මැයි මාසයේ දෙවිනි ඉරු දින සිය මව අනුස්මරණය කර ඉන් පසු එය රජයේ නිවාඩු දිනයක් බවට පත් කිරීමට කටයුතු යොදා ඇති බව කියවේ. එහි ප්රතිපලයක් වශයෙන් 1912 සිට සෑම මැයි මසකම දෙවෙනි ඉරු දින ලෝක මවුවරුන්ගේ දිනය බවට සංකේතවත් වී ඇත.
අපේ ලංකාවද අද මවුරුන්ගේ දිනය ලෙස සංකේතවත් කර ඇත. එක් දවසක් පමණක් මවු වරුන් වෙනුවෙන් වෙන් කිරීම ප්රමාණවත්ද? පොඩ්ඩක් නවතින්න, මෙනෙහි කරන්න හෙළ මවු වරුන් විසින් ඉටු කරනා නිහඩ සේවය ගැන. ඒ නිහඩ බව නිසාම අද අම්ම ගැන බොහෝ දෙනෙකුට අමතක වෙලා ගිහින්. ඔබ විවාහ වූ පසු ඔබට ඔබේ අම්මා මතක් වෙන්නේ ඔබේ රත්තරන් අම්මට ඒ සේවය ඔබට ලබා දෙන්න බැරි තරමට ඇය ලෙඩ වී දුර්වල වූ විට, එහෙමත් නැත්නම් සදහටම වෙන්වෙලා ගිය දවසට. බලන්න ඔබේ අම්ම ඔබ වෙනුවෙන් දෛනිකව ඉටු කරන සේවය කොතරම්ද කියල. ඇය රැකියාවක් කලත් නොකලත් ඇය අතින් රටට ඉටුවෙන සේවය අති මහත්. භාර්යාවක්, මවක් ලෙස ඇය පවුල පාලනය කිරීමේ සිට කෑම බීම පිලියල කිරීම, ගෙවල් දොරවල් අස් පස් කිරීම, රෙදි පිළි සේදීම, දරුවන්ගේ අධ්යාපන කටයුතු සොයා බැලීම සහ ඒවාට උර දීම වගේ සියලු කටයුතු නිම වෙන්නේ ඇගේ දෑතින්. තවත් අම්මාවරු මේ හැම දේම කරන ගමන් මුදල් හම්බ කිරීමේ කටයුත්තටද උර දෙනවා.
අම්මා නිවසේ පහණ නොවේද? ඒ පහන් එළියෙන් දරුවන්ට ගමන යන්න පාර නොපෙන්නුවානම් අද ඔවුන්ට කෝ ජිවිතයක්? ගමට කලින් හිරු උදාවෙන්නේ මුළුතැන්ගෙට කියන එක සැබෑය. ඇතකුට පැටවෙක් ලැබුණාම ඇත් රැලටම කිරි එරෙන්නේ වන සතුන් අතර පවා උත්තරීතර මවු සෙනෙහස අරුමයක් නිසා නොවේද.
ජිවිතයේ එක් දවසක් පමණක් අම්මට තිළිණයක් පිරි නමා මෙවන් මවකට උපහාර කිරීම ප්රමාණවත්ද? අම්මා කෙනෙකුට හැම දේම තම දරුවන්ය. එසේ නම් දරුවන්ටත් තම හැම දේම තම මව විය යුතුයි සිතා අම්මාගේ දුක සැප නිතර සොයා බලන්න. ඇයගෙන් වැඩ ගන්නවා පමණක් නොව ඇයට අවශ්ය කෑම බීම සපයා දෙන්න, බෙහෙත් හේත් වෙලාවට ගත්තද සොයා බලන්න.
කෙදිනක හෝ ඔබේ දරුවන් අනුගමනය කරන්නේද ඔබවයි. ඔබ ඔබේ දෙමාපියන් බලා ගන්නේ කෙසේද, ඔබේ දරුවන්ද කෙදිනක හෝ ඔබව බලා ගනී. ඔබ දෙමාපියන්ට නොසලකා දරුවන්ට අවවාද දීමෙන් පලක් නැත. අවවාදයට වඩා ආදර්ශය උතුම්ය. ඉතින් ඔබ දෙමාපියන්ට සලකන විට ඔබේ දරුවන්ද බොහෝ දේ ඔබගෙන් ඉගෙන ගනු ඇත. එම නිසා අම්මා ජීවිතය කරගන්න. එවිට ඔබේ දරුවනුත් ඔබව කෙදිනක හෝ ජීවිතය කර ගනු ඇත. එදිනට අම්මා වෙනුවෙන් එක දිනක් වෙන් කිරීමට අවශ්ය නොවනු ඇත.
Thank you, friend!
![image.png](https://steemitimages.com/640x0/https://cdn.steemitimages.com/DQmd7of2TpLGqvckkrReWahnkxMWH6eMg5upXesfsujDCnW/image.png)
![image.png](https://steemitimages.com/640x0/https://cdn.steemitimages.com/DQmWDnFh7Kcgj2gdPc5RgG9Cezc4Bapq8sQQJvrkxR8rx5z/image.png)
I'm @steem.history, who is steem witness.
Thank you for witnessvoting for me.
please click it!
(Go to https://steemit.com/~witnesses and type fbslo at the bottom of the page)
The weight is reduced because of the lack of Voting Power. If you vote for me as a witness, you can get my little vote.