කලබලකාරී සතියකට පස්සේ | 5% for SL Charity

කලබලකාරී සතියකට පස්සේ නිදහස් ඉරිදාවක්.
මීට සති තුනකට කලින් ගත්ත Project එකක් මේ සතියේ දෙන්න තිබුන නිසා රැයක් දවලක් නැතුව වැඩ කරන්න උනා.

ලොකු පීඩනයකින් හිටපු සතියකට පස්සේ ඉරිදාව නිදහසේ ගත කරන්න හිතන් හිටියට හිතට තාම අවුල්. වෙනද වගේ වෙන්න ඔින කියල හිතුවට එකපාරම එහෙම වෙන්න බැ.

මේ සතිය ඇතුලෙ මම වෙනද කරන දෙවල් ගොඩක් මග ඇරුනා. නාඩගම් කාරයෝ කතාව බලන එක වගේම හිතට නිදහසක් දැනෙන වැඩක් තමයි steemit sri lanka Group එකේ post කියවන එක.

සතියකට පස්සේ steemit එකට අව ගමන් මුලින්ම දැක්කේ @damithudaya ගේ post එකක්. එකේ තිබුන සිංදුව මගේ හිත ආයෙම කලින් තැනටම ගන්න පුලුවන් උනා.

සංගීතේ කියන්නෙම භාවනාවක් | Music surely can heal myself

දේදුන්නේ පාට පාටින් ආදරේ බැන්දු
සංසාරේ වන්දනාවේ ප්රේමයේ ළන්දු
සන්ධ්යාවේ නිම් වළල්ලේ
මායාවී දෑස දැල්වේ
කවුරුන්දෝ ඈ නොවේදෝ
ඈ මගේ නේදෝ

සනත් නන්දසිරි මහත්මා කියන්නේ ලංකාවේ මහා හඬ පෞර්ෂයක් තියෙන අග්‍රගණ්‍ය ගායකයෙක්, ඒ හඬට සම කරන්න කිසි කෙනෙක් නැති වුනත් , @damithudaya ගේ Post එකේ තිබුන Cover එක එකපාරම හිතට දැනුනා.

එක පාරක් නෙවෙයි මං ඒ සින්දුව දහ පාරකට වඩා එක දිගට අහන්න ඇති. හිතට දැනුනේ කියාගන්න බැරි තරම් පුදුම සහනයක්. හිතේ තිබුණ බර ගතිය, වැඩ නිසා හෙම්බත් වුණ ගතිය නැතිවෙලා ගියා කියලා මට දැනුණා.

වෙලාවකට හිතෙනවා අපි කොච්චර වැඩ කළත් හිතට නිදහසක් නෑ නේද කියලා.. හිතේ නිතරම තියෙන්නෙ මේ වැඩේ කොයි වෙලාව ඉවර වෙයිද, හරියට කරගන්න පුලුවන් වෙයිද වගේ දේවල්. ඉතින් මේ දේවල් එක්ක පුළුවන් වෙයිද අපිට නිදහසේ හිතන්න.. මට දැනෙන්නෙම අපි එක රාමුවකට කොටු වෙලා ඉන්නවා වගේ. හැබැයි මේ තියෙන විදිහත් එක්ක මේ ප්‍රශ්නෙට විසඳුමකුත් පේන තෙක් මානෙක නැහැ.

සංගීතය කියන්නේ ඇත්තටම විශ්ව භාශාවක් , හිතට දැනෙන හැගීම් හරි අපූරුවට එලියට දෙන්න පුලුවන් හිත නිවන භාවනාවක්.

ජීවිතේ කලබලෙන් ඉන්න වෙලාවක , හිතට හරි නැති දවස් වලට , හිත අවුල් වුන වෙලාවට හිත නිවන ගීතයක් කියන්නේ මහා ඔසුවක්.