මලාමුරේ නිවාඩුවක් | 5% for SL Charity

සති ගානකට පස්සේ තමයි steemit එකට ලියන්න පුලුවන් නිදහසක් ලැබුනේ. Project වල වැඩයි Course වල වැඩයි වගේම අයියා අලුතෙන් ගෙදර හදල නිසා එහේ වැඩ වලටත් හිර වුනා.

මේ දවස්වල අලුතෙන්ම ගෙයක් හදනව කියන්නේ හරිම අමාරු වැඩක්. ගෙදරට අවශ්‍ය වැලි , ගල් , ගඩොල් වගේම මේ දවස්වල රත්තරං වලටත් වඩා සිමෙන්ති වටිනවා.

ඇත්තටම අයිය කිවුවට මේ මං කියන්නේ ලොකු අම්මගේ පුතා ගැන. එයාල ඉන්නේ මාපලගම. මුල්ම කාලේ එයාල එහේ ඉදන් බද්දේගම පදිංචියට ආවා. පස්සේ ආයෙම එයාල එයාලගේ කලින් ගෙදරම ටිකක් ලොකු කරල හදන්න තීරණය කරල තිබුනා. බාප්පත් හදිසියෙම මීට වසර කීපයකට කලින් නැති වුන නිසා ගෙදර හැම බරක්ම පැට වුනේ අයියට.

අයියල ඉන්න මාපලගම මලාමුරේ ටිකක් විතර දුර්ශකරයි වගේ වුනාට. ( ඇත්තටම කිවුවොත් phone වලට සිග්නල් නැ. ) මාරම ලස්සනයි. උදේට කියන්න බැරි තරමයි ලස්සනයි. මමත් පුලුවන් දවසට එහේ යන්නේ ඒ පරිසරයේ තියෙන ලස්සනයි නිදහසයි නිසාමයි.

කොහොමහරි ගිය 24 වෙනිද ගෙදර අඩිතාලම දාන්න නැකත තිබුනේ. ඒකට අවශ්‍ය සිමෙන්ති ගෙන්න ගියාම තමයි දැන ගත්තේ මාපලගම සිමෙන්ති නැ කියල.

ඊටපස්සේ ලොරියකුත් අරන් බද්දේගම ආවම ඒ Hardware එකෙන් කියනවා සිමෙන්ති ගන්නවනම් එකට තව මොනවහරි ගන්න ඕන කියල. ඒ වගේම සිමෙන්ති කොට්ටයක මිලත් අදාල මුදලට වඩා වැඩියි. ඒත් කරන්න දෙයක් නැති නිසාත් , වෙන ගන්න තැනක් නැති නිසාත් එතනින් ම සිමෙන්ති ගන්න වුනා.

ඊටපස්සේ ඉතින් ලොකුම අවුල තමයි ගෑස්. එදාට එන අයට උයන පිහන දේවල් වලට දර හොයන එක අමාරුයි නේ. ඒත් ඉතින් ගෑස් එකක් හොයාගන්නව කියන්නේ මේ දවස්වල කලු නික හොයනව වගේ තමයි.

කොහොමහරි අමාරුවෙන් කහපාට ගෑස් එකකුත් හොයාගෙන ගෙදර වැඩ පටන් ගත්තා.

24 උදේ තමයි නැකත තිබුනේ. පන්සල ගෙදර ගාවම නිසා හාමුදුරුවන් වඩම්මවන එක නම් ප්‍රශ්නයක් වුනේ නැහැ.

ගෙදර වැඩ වලට උදව් වෙන්න ගමේ ගොඩක් අයත් ආවා. කොහොම හරි ඉතින් මේ දවස්වල ගෙයක් හදනව කියන්නේ හරිම අමාරු වැඩක්. මොකද අවශ්‍ය දේවල් ගොඩක් වැඩි නිසාත් ඒ අවශ්‍ය ද්‍රව්‍ය නෑ කියල කලු කඩ, වැඩි මුදලට බඩු විකුණන නිසාත් අවශ්‍යම අය වැඩි ගානට වුනත් ගන්නවා.

ලංකාවේ සමහරක් පිරිසක් ⁣Covid කියන නම ඉස්සරහට දාගෙන මිනිසුන් ගෙන් අනවශ්‍ය විදියට අසාධාරණ විදියට මුදල් උපයන්න පටන් අරන් තියෙනවා.

මේවට විරුද්ධව පැමිණි කරාට වැඩකුත් නැති තැනට දැන් ලංකාව පත්වෙලා. සාමාන්‍ය කෙනෙක්ට ගෙයක් හදන එකත් ලංකාව ඇතුලේ හීනයක් වෙලා.

ඇත්තටම ලංකාව ගැන අපි ගැන අපිටම තියෙන්නෙ කලකිරීමක්. මේ තත්වය නිසා ඇත්තටම අනාගතයක් ගැන හිතන්න හරිම අමාරුයි.

කොහොම උනත් වැඩ අස්සේ හිර වෙලා ඉන්න දවස් කීපයකට හිතට නිවාඩුවක් දෙන්න මලාමුරේ ගියපු එක ලොකු උදව්වක් උනා. තව ගමනක් තියෙනවා හෙට යන්න.. ගිහින් ඇවිත් ඒ ගමන ගැනත් කියන්නම්.😁