ප්රීති වෙසක් - වෙන්න මතක් | 15% For SL-Charity
මැයි මාසේ! වෙසක් මාසේ! අද තමයි උතුම් වෙසක් පුර පසළොස්වක පෝය දිනය. ඔබ සියලුම දෙනාට සුභ වෙසඟක් වේවා කියලා මම ප්රාර්ථනා කරනවා. වෙසක් කියන වචනේ ඇහුනත් ඇති අපේ ඔළුවට එන්නේ වෙසක් කූඩු, වෙසක් සැරසිලි ගැන. වයස් භේදයකින් තොරව අපි හැමෝම බලන් ඉන්නේ අද රෑට වෙසක් සිරි නරඹන්න. පාට සවරන් කොල වලින් අලවපු, පාට පාට ආලෝකයන්ගෙන් සැරසුණු, වෙසක් සුලඟේ තාලයට රැලි ගස්සන වෙසක් කූඩු අසිරිය බලන්න අපි වයස් භේදයකින් තොරව බලන් ඉන්නේ.
ඒ අතරේ, කොරෝනා උවදුර නිසා ටිකක් අමතක වුණ දෙයක් තියෙනවා. ඒකත් අපි කුඩා අවදියේ අපේ වෙසක් ලස්සන කරන්න ගොඩක් උදව් වුණ දෙයක්. ඒ තමයි වෙසක් කාඩ්. ඉතින් මම දන්නවා ඔයාල හැමෝම මාව මෙතන තනියම තියලා ඔයාලගේ පාසල් කාලෙට ගියා කියලා 🙊
ඉතින් යාලුවනේ, මේ තියෙන්නේ මගේ යාලුවො, පවුලේ අය එදා මෙදා තුර මට දීපු වෙසක් සුභ පැතුම් පත්. මම එදා ඉදන්ම මේ හැම කාඩ් එක්කම පෙට්ටියක දාලා එකතු කරා. ඉතින් අද මට හිතුණා මගේ වෙසක් කාඩ් එකතුව බලන්න. වෙසක් කාඩ් දෙසීය පහළවක එකතුවක් 🙊
මම මුලින්ම කලේ වෙසක් කාඩ් ටික පිළිවෙලට සකස් කරපු එක. ඊට පස්සේ මම ඒ හැම වෙසක් කාඩ් එකක්ම එකින් එක බැලුවා. පරණ මතකයන් අලුත් වුණා කිව්වොත් මම හරි. සීයට අනූවක්ම වගේ තිබුණේ ඉස්කෝලේ යාලුවො දීපු වෙසක් කාඩ්. මමත් එයාලට ඒ විදියටම ලස්සන ලස්සන වෙසක් කාඩ් දෙන්න ඇති🙊.
ඔව් ඒ කාලේ අපි අම්මලා තාත්තලගෙන් සල්ලි ඉල්ලන් කඩේ තියෙන ලස්සනම වෙසක් කාඩ් ටික අරගෙන ගෙදර ඇවිත් විසින් වෙතට පුරවලා යාලුවොන්ට ගිහින් දෙනෝ. ඒ දීපු සමහර වෙසක් කාඩ් වල මුද්දරේ හුළඟේ ගිහින්. නැත්තම් මීයෝ කාලා. නැත්තම් කාඩ් යාලුවො කාලා. මම එහෙම කිව්වේ මට ඉස්කෝලේ යන කාලේ යාලුවො කිව්වේ පූසා කියලා. මට හම්බුණු සමහර වෙසක් කාඩ් වල මුද්දරේ පූසා තමයි කාලා තිබුණේ 🤣. ඒ අතරේ හරි ලස්සන කවියකුත් ලියලා තමයි දෙන්නේ ගොඩක් වෙලාවට.
ප්රීති වෙසක්- වෙන්න මතක්
මෙන්න මගෙන්-වෙසක් පතක්
වෙසක් කාඩ් බලද්දි, ඒව දුන්න ගොඩක් යාලුවො අදටත් ඒ විදියටම ඉන්නවා. සමහර යාලුවො දුරස් වෙලා. ඒ අතරේ පූර්ණිමා. ඇය අපේ ඉස්කෝලේ කතෝලික මිතුරියක්. කතෝලික මිතුරියන් කීප දෙනෙක්ම මට හිටියත්, ඔවුන් තරම් පූර්ණිමා මට සමීප නොවුනත් , ඇය නමින් මට ලැබුණු වෙසක් සුභ පැතුම් පතක්...
ඒ වගේම අනිත් වැදගත්ම දේ තමයි යාලුවොන්ගේ අත් අකුරු පරිණාමය පිලිවදව හොද අවබෝධයක් ලබා ගන්නත් මට පුළුවන් වුණා 😬
මේ විදියට වෙසක් කාඩ් සමඟ මතකයන් අලුත් වුණ හෝරාවක් දෙකක් ගත කරන්න මට පුළුවන් වුණා වගේම මම මගේ යාලුවන් සමඟ එම මතකයන් බෙද ගත්තා . වෙසක් සුභ පැතුම් පතක හැංගිලා තියෙන්නේ පුදුම තරම් බැඳීමක්.
-සඳුපි-
💚
ඔයාලා මේම ද කියන්නේ???
මට මතක් විදියට අපි කියන්නේ
ප්රීති වෙසක් - සුබ දවසක්
මාව මතක් - වෙන්න පතක්
කියලා 😅😅
අපිනම් උඩ තියෙන විදියට කියන්නෙ
ප්රීති වෙසක්💖
වෙන්න මතක්❤️
මෙන්න මගෙන්☺️
වෙසක් පතක්🌝
☸️♡☸️♡☸️♡☸️
මේ පාර වෙසක් card යවන්නත් බැරි එකේ මේක save කරලා තියාගන්න.... ☸️☺️❤️
😍😍😍😍
ඒක නම් මට අලුත් 🙊🙊
Mage lanagth collection ekak tibuna. Dan nam natiwa athi. E kale gedara kattiyatath card denawa. Harima shork. 😍
Ow ow. Vesak kiyanne puduma deyak 😍
පින්බර වෙසක් මංගල්යයක් වේවා
එසේම වේවා !!! 😍
math podi kale yaluwo ekka wesak card share kara gannawa. loku wesak card denne hodama yaluwata.
Owww 🤣 Ai samahara welawata hithapu nathi yaluwo vesak card deno.. epara gaththuwa madi... 😬😬😬
මගේ ලගත් මේ වගේ එකතුවක් තිබුනා.🥰
එහෙමද...😍 ඒකේ වටිනකම දනෙන්නේ දැන් 🙊🙊
අවුරුදු ගානක් ආපස්සට ගියා.. මගේ ලගත් තවම තියෙනවා.. ඒත් අවුරුදු 4කින් බලන්න බැරිඋනා.. ඒ හැමදේම අපේ ජීවිත වල ලස්සන මතකයන්❤️ සුබ වෙසගක්🙏
එදාටත් වඩා අද ඒ දේවල් වල වටිනකම දැනෙනවා...........❤️
ඒ කාලේ මොනතරම් සුන්දරද කියලා හිතෙනවා මේවා දකිනකොට. දැන් අපි ඒ දේවල් වලින් ටික ටික ඈත් වීගෙන යනවා නේද කියලා මතක් වෙද්දි මගේ හිතට පුංචි දුකක් දැනෙනවා. 😭♥️
අනිවාරෙන්.... හැමදේම ටිකෙන් ටික ඈත් වෙලා ගිහින්.... කැමති වුනත් අකමැති වුනත් අපිට දැන් ඉන්න සිද්ද වෙලා තියෙන්නේ අමුතුම ලෝකෙක 😥😥