ජූලි නමය | 5% For SL-Charity
ජූලි නමය!!! අරගලයේ දවස. අරගල භූමියට යන්න කෙනෙක් නැතුව ඉද්දි හරිම අහම්බෙන් යාලුවෙක් නිසා මටත් සහභාගි වෙන්න පුළුවන් වුණා ඊයේ දිනයේ අරගලයට. ඔෆිස් එකෙන් ඊයෙ දවස නිවාඩු දවසක් වුණ එක මට ලොකු සහනයක් වුණා. ඉතින් මේ මගේ කතාව.
ඉසුරින්දි කියන්නේ මගේ වෘත්තීය ජීවිතේ මට හම්බුණු එකම සහ හොදම යෙහෙළියක්. අපි දෙන්නා එකට වැඩ කරලා මාසයක් වගේ කෙටි කාලයක් වුණත් තාමත් යාලු කම ඒ විදියටම තියෙනවා අපි දෙන්න අද වෙද්දි තැන් දෙකක වැඩ කරත්. ඉතින් ඉසුරින්දියි එයාගේ පවුලේ අයයි එක්ක තමයි මම අරගලයට ගියේ.
කෝච්චි ගැන විස්වාසේ තියලා උදේ නමය වගේ වෙද්දි පානදුර ස්ටේශන් එකට අපි එකතු වුණා. ස්ටේශන් එකත් මිනිසුන්ගෙන් පිරිලා. කොහොම හරි දෙවෙනියට ආව කෝච්චියේ තමයි අපිට යන්න පුළුවන් වුණේ.
අරගල භූමියට අපි යන කොටත් විශාල ජනකායක් රැස් වෙලා හිටියා. හැමෝගෙම හිත් වල එකම අභිප්රායක්. ඒ තමයි අපේ රටේ වත්මත් ජනාධිපතිව ගෙදර යවන එක. මට හැමදාම තිබුණා ලොකු ප්රශ්නයක්. ඒ තමයි මිනිස්සු මෙච්චර යන්න කියද්දිත් තවත් බලයේ රැදිලා ඉන්නේ කොහොමද කියන එක. ගොඩක් අයගෙන් ඒ ප්රශ්නේ ගැන කිව්වම එයලා මට දුන්න උත්තරේ තමයි "ඔය ඉන්නේ.. අන්න ඒ විදියට" කියලා.
දේශපාලනය කියන්නේ මම අකමැතිම දෙයක්. ඉස්සර චන්දෙ කාලෙට කැන්වසින් එනවා ගෙදරට මාමලා නැන්දල. එදා ඉදන් මම දැක්කේ බොරුව. ඉතින් දැන් ඒ බොරු වල හොදම සීසන් එක තමයි මේ බලන්නේ. මම ප්රාර්ථනා කරනව ඒ නාඩගම් , බොරු අත්දකින අවසාන පරම්පරාවත් අපිම වෙන්න කියල.
ඉතින් ඉසුරින්දි ගේ අම්මා මාව හොදට බලා ගත්තා. අමතක නොවන ජයග්රාහී දවසක්. ඉදිරි දින කීපය මට නම් තාමත් අවිනිශ්චිතයි. මොකද ඒ තරම් අමනුස්ස කම් වලින් රටේ මහ පුටු පිරිලා.
අරගලයට ජය 💪❤️
-සඳුපි-
💚
ඔව් මේක ඇත්ත. ඊයෙ රෑ වයිරල්.වුණ නිව්ස් එක හින්දා පුදුම පීඩනයක් දැනුණෙ. තව එක්කෙනෙක් වත් ජීවිතේ දෙන්න ඕනෙ නෑ මේකට.
හැමෝම මේකට ගිහින්. ඔයත් ගිහින්.❤
අපි බලමු ඉදිරිය කොහොමද කියලා...
අරගලයට යන්න ලැබුන එක හොඳ යි..ඒත් පරිස්ස්මින්. හිතක් නැති මිනිස්සු බලයට තියෙන ලෝබකමට පලිය ගන්නෙ අහිංසක ජීවිත වලින්. දකින් දේවල් ගැන දුකයි.ඒ වගේම කේන්ති😑😑
ඔව් කේන්තියි... 😥 අපි බලමු ඉදිරිය කොහොමද කියලා...
එදා අරගලයත් එක්ක මෙච්චර අය එකතු වෙලා කියලා දැනුණාම මාරම සතුටක් දැනුනේ.❤
අනිවාර්යයෙන්ම . ඉදිරියටත් ඒ එකමුතු කම ඒ විදියටම තිබුනොත් ඇති.. මොකද අද තත්ත්වය වෙනස්...
ඔව් අද අරගලය ඇතුලෙ ලොකු බෙදීම තියෙනවා 😕😕